Angutit kiinappalerlutik Sisimiuni tillinniartut

Angutit pingasut kiinappalerlutik ullaaq Krugseneeraq Kussangasumi tillinniarput.

Sisimiuni Politiit ullumi nalunaaqutaq 07.09 tillinniarneq pillugu nalunaarfigineqarput.

Angutit pingasut kiinappallik piffissami sivikitsumi Brugseneeraq Kussangasumiipput, tassani angutit ilaata pisiniartitsisoq naalakkersimavaa aningaasivik ammaqqullugu. Angutit taakku pingasut aningaasat 3.500 koruunit missaanni tillippaat taassuma saniatigut immiaaqqat puussiat arlallit aamma tillippaat.

Kingorna angutit taakku pingasut pisiniarfiup silataani biilinik inissiisarfimmiit biilimik mikisumik qernertumik qimagupput Bolethep Aqqusernatigullu ingerlallutik.

Tillinniat illoqarfimmi biilimik mikisumik qernertumik ingerlaarnerannik takunnissimasunik imaluunniit allamik paasissutissaatilinnik, Sisimiuni Politiit ujartuipput.

Angutit pingasut isikkui:

Angut A ima oqaatigineqarpoq:

Angut, 180 - 190 cm missaanni angitigisoq, tuattoq,

qernertumik kavaajalik, qernertunik qarlilik, qernertunik kamippalik,

kiinapparaa qernertoq qaqortutalik.

Angut B ima oqaatigineqarpoq:

Angut, ca. 170 - 180 cm missaanni angitigisoq, tuattoq,

taartumik tunuatigut qaqortumik assitalimmik kavaajalik, qarliit timersuutit qernertut sinaatigut qaqortunik titarnillik.

Qernertumik kiinappalik.

Angut C ima oqaatigineqarpoq:

Angut, ca. 180 cm qaatigooq qiviusanik oqorsaasigaq qernertoq sakiata nalaatigut qaqortumik allannilik, qarliit taartut aaqqatillu qaamasut.

Sisorarluni isarussanik qungaseqummillu kiinappalik.

Sisimiuni Politiit oqarasuaammut 701322-mut attavigineqarsinnaapput.