Angutit inuusuttut marluk angalallutik ajunaartut

Sapaatip-akunnerata naanerani angutit marluk Maniitsup eqqaani ajunaarput, KNR taama allaaserisaqarpoq.

Angutit inuusuttut marluk Maniitsumit Kangaamiunut angaltillutik ajunaarput. Arfininngormat unnukkut nalunaqutaq 19.30, angallat marlunnik inuttaqartoq immakkiartulersimasoq politiit paasitinneqarput. KNR taama allaaserisaqarpoq.

Politiit angallataa Sisak II erngerluni Maniitsumit avalappoq, angallammiillu umiatsiaq pullattagaq sukkasuuliaq aallartinneqarluni. Qulimiguulik annanniut S-61 aamma aallartinneqarpoq.

Umiatsiap pullattakkap angut inuusuttoq ataaseq sapaatip unnuaani nalunaaqutaq 02.37 toqungasoq nassaaraa aamma aappaa 04.50 nassaarineqarpoq. Napparsimmavimmi taakku toqusutut nalunaarutigineqarput. Ilaqutaasut nalunaarfigineqareerput.

Powered by Labrador CMS