Skip to main content

Angutit assammik arsarlutik nunanut allanut unammisartut qallunaanut ajorsaqqarput

Assammik arsarluni qallunaat U-21-mi nunanut allanut unammisartui ulluni makkunani Nuummiipput ikinngutigiittut unammiartorlutik

Kalaallit Nunaanni inersimasut nunanut allanut unammisartut qallunaallu inuusuttut nunanut allanut unammisartut assammik arsarluni unammiuaarneranni, Nuup Timersortarfissuani ingerlanneqartumi, unamminermi siullermi Kalaallit Nunaat 25 - 28-mik ajorsarpoq.

Taamatut paasissutissiivoq Kalaallit Nunaanni Assammik Arsartartut Kattuffiat.

Naligiissut

Unammisut naligiissimaqaat, muminnermilu kalaallit 15 - 11-mik siuarsimapput.

Unamminerup immikkoortuani siullermi Akutaaneq Kreutzmann arfineq-marlunnik isertitsivoq, Minik Dahl Høegh tallimanik isertitsilluni. Qallunaaq kalaallini unammeqataasoq Jonas Tidemann pingasunik isertitsivoq.

Angusaraissaarnerit

Unamminermi arsarluarnersatut toqqarneqarput Akutaaneq Kreutzmanna aamma qallunaaq U-21-mi nunanut allanut unammisartuneersoq.

Ikinngutigiittut unammiuaarneq ullunik pingasunik sivusussuseqassaaq.

Unamminerit tulliat Nuup Timersortarfissuani ingerlanneqassaaq arfininngornermi juunip 13-ianni, unamminerlu kingulleq, sapaammi juuniip 14-ianni pisussaq, timersortarfissuarmi Inussivimmi ingerlanneqassaaq. Unamminerit tulliuttut KNR TV-kut aallakaatinneqartassasut assammik arsartartut kattuffiat paasissutissiivoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER