assammik arsaanneq

Angutit assammik arsaallutik unanut allanut unammisartut Nuummi katersuutissapput

Ukiup tulliani Pan Amerikanerit Pissantanngorniunissamut piareersarnerit Nuummi ingerlanneqartartussat, sapaatip akunnerani aallartinneqassapput

Nuka Heilmann under en træningssamling i Danmark i januar 2016

Nunanut allanut unammisartut ulluinnarni Nunatsinni unammisartuusut, Miki Duko Sørensen Vestmanna IF-minngaanneersoq aamma Angutimmarik Kreutzmann Køge Håndboldiminngaanneersoq peqatigalugit, sapaatip-akunnerata naanerani Nuummi katersuutissapput.

Sungiusarnermi unammisartut 18-it peqataassapput.

  • Isak Olsen GSS
  • Inuk Højgaard GSS
  • Taatsiaq Villadsen GSS
  • Milan Olsen N48
  • Lars Møller N48
  • Miki Duko Sørensen Vestmanna IF
  • Inuujuk O. Søholm Norsaq HC
  • Lars Ole Lyberth GSS
  • Danny Brandt GSS
  • Gustav O. Egede NUK
  • Miilu Rosing GSS
  • Aqqaluk Lukas Lings GSS
  • Inuk Olsen GSS
  • Nuka Heilmann GSS
  • Miki Heilmann GSS
  • Marco Geisler GSS
  • Karl F. Frederiksen GSS
  • Angutimmarik Kreutzmann Køge Håndbold

Ingi Olsenip Rasmus Larsenillu katersuunnermi aqutsisuussapput

Katersuusuunnermi sungiusaasup tullia Ingi Olsenip Rasmus Larsenilu aqutsisuussapput, sungisarnerlu tallimanngornermi 8. septemberimiit sapaammi 10. septemberi ilanngullugu ingerlanneqassaaq. Aqagu tallimanngornermi unammisartut assigiinngitsunik misilittaavigineqassapput. Tassani unammisartut sungiusartarnermikkut qanoq inissisimanerat takuniarneqassalluni.

Ingi Olsenip Savalimmiuniit Nuummukanngitsiarnermini Sermitsiaq.AG-mut oqarpoq:

- Unamisartut Kalaallit Nunaaniittut aallartilluarnissaat pingaarutilerujussuuvoq. Savalimmiuni Danmarkimilu unammiuaarnerit aallatereerput.

- Panamerikanskimi Pissartanngorniunnerit Nuummi ingerlanneqarnissaannut piareersarnissaq anguniangaanerpaavoq, piareersarnermilu katersuunneq pingaaruteqarluinnarpoq.

Savalimmiuni ingerlalluarneq

Ingi Olsenip savalimmiormiut angutit U21-it unammisartuinut sungiusaasuusoq julip qaammataani Algerietimi U21-it nunarsuarmi pissartanngorniunneranni angusarissaartippai. Savalimmiut assammik arsaannermi nunarsuarmi pissartanngorniunnermut perngaammik annguppoq.

- Pikkorilluinnartunik unammisartuuteqarpugut, taakku sungiusarumalluartuupput tamannalu Algerietimi angusarissaarnermut pissutaavoq.

- Chile Korea Kujallerlu ajorsartippagut. Tyskit ajornartorsiortippagut. Ottendedelsfinalinut annguppugut, tassanilu Frankrigimeersut unammilligassaasimanngillat.

Powered by Labrador CMS