Angutip maqaasineqartup tupeqarfigisimasaa nassaarineqarsimasoq

Angut 59-inik ukiulik Maniitsumeersoq suli maqaasineqarpoq, politiilli angummut takussutissanik nassaarsimapput kiisalu suliamut atatillugu paasissutissanik pissarsisimallutik, paasissutissallu malillugit angut nammineq piumassutsiminik tammaqqasarsimavoq.

Politiit aEmil Biilmann 59-inik ukiulik Maniitsumeersoq sapaatiummat ujaarillugu aallartippaat, taanna kingullermik marlunngornermi septembarip 13-iani ilaquttaminut attaveqarsimavoq.

Sngut suli nassaarineqanngilaq, pigaartulli pisortaata Jens Rønbergip Sermitsiaq.AG-mut pingasunngornermi ullaakkut ilisimatitsissutigaa, politiit suliamut atatillugu paasissutissinneqarsimasut, politiillu taamaammat ujaasinermut atatillugu iliuuseqaqqinnianngitsut.

Pigaartut pisortaata oqaatigaa, angut pineqartoq oqaaseqaqqaarani siusinnerusukkut piffissami sivisuumi tammaqqasarsimasoq:

- Tamanna ilaqutaasunut annertuumik ernumatitsisarpoq. Arlaannillu angut naapinneqarsimappat takuneqarsimappalluunniit suli tusarfigerusuppavut, Jens Rønberg oqarpoq.

Sermitsiaq.AG-p paasissutissaatai naapertorlugit, angutip umiatsiaa Kangerlussuarmi takuneqarsimavoq, pigaartullu pisortaata tamanna uppernarsarpaa.

Taassuma oqaluttuaraa, umiatsiaq kangerlummi pitussimasoq nassaarineqarsimasoq, nassaarfiullu eqqannguani tupeqarfiusimasoq cigaritsit kimmivikuinik eqqaaniittulik takuneqarsimalluni.

Powered by Labrador CMS