Angutip 44-nik ukiullip anaanani savimmik toqussimallugu nassuerutigaa
Angutip kalaallip anaanani pingasunngornermi unnukkut Sabromi Aarhusip avannaata kitaaniittumi savimmik toqussimallugu sisamanngornermi nassuerutigaa.
Angutip 44-nik ukiullip sisamanngornermi ualikkut tunngaviusumik killisiorneqarnermini anaanani toqussimallugu nassuerutigaa.
Ekstra Bladet taama allaaserisaqarpoq.
Toqutsisutut unnerluutigineqartumut kalaallimik oqalutsimik amigaateqartoqarneran pissutigalugu, Ekstra Bladet naapertorlugu, tunngaviusumik inatsit malillugu killisiuinissaq arlaleriarluni kinguartinneqarsimavoq.
Anaanani qungasiatigut pukusuatigullu kapillugu toqussimallugu, taassuma Aarhusimi eqqartuussivimmi nassuiarsimavaa.
Teknikikkut misissuinerit nanginneqarput
Politiit nalunaaqutaq 23.12 nalunaarfigineqarnerisa kingorna, anaanaasoq Sabromi Aarhusip avannaani pingasunngornermi unnukkut toqunneqarsimasoq nassaarineqarpoq.
Politiit adressemut ornigupput, arnarlu toqutaasimasoq paasivaat. Tassani nakorsamit toqusutut nalunaarutigineqarpoq.
Aggernerisa kinguninngua angut tigusarineqarpoq, Østjyllands Politi sisamanngornermi tusagassiuutinut nalunaarummi taama allapput.
Unnuap ingerlanerani politiit Sabromi adressemiipput. Sisamanngornermi ullaakkut teknikikkut misissuinerit naammassineqarput.
