Skip to main content

Angutinnguaq Tittussen nunanut allanut unammisartunut sungiusaasuuginnassaaq

Taekwon-Do-mi nunanut allanut unammisartuni Angutinnguaq Tittussen sungiusaasuuginnassaaq. Kalaallit Nunaanni Taekwon-Do-tartut Kattuffiata nunanut allanut unammisartunut sungiusaasoq isumaqatigiissuteqarfigaa.

Taekwon-Do-tartut pissuserissaanissamik tunniusimasumik anguniakkanillu pimoorussisumik nunanut allanut unammisartunut sungiusaasoqarnissaa maanna pisariaqarnerpaaffissaminiippoq. Tassami kattuffik nutaanik siunniussaqarpoq. GTF maajimi peqatigiiffiit peqatigalugit Kangerlussuarmi isumasioqatigiissitsivoq, tassanilu timersuutip siunissaa ukkatarineqarluni. 

- Ukioq manna kattuffimmiit peqatigiiffiit peqataatillugit isumasioqatigiinnermi siunnerfinnik ilusilersueqatigiippugut. Siunnerfiit pingaarutillit ilagaat unammisartunik piukkunnaatilinnillu aallussinissaq. Kattuffimmiit qularutiginngilarput Angutinnguaq Tittussen tassaasoq unammisartoqarnikkut piukkunnaatilinnillu aallussinissamut suliassanik kivitsisinnaasoq, Taekwon-Do-tartut kattuffianni siulittaasoq, Vivi G. Lennert oqarpoq.

Juulip aallaqqaataaniit sungiusaasumut isumaqatigiissut aallartittoq siulersuisuniit isumaqatigiissutigineqarpoq. Isumaqatigiissut Angutinnguaq Tittussenip naammasigimaarpaa qanimullu suleqatigiittoqarnissaa qilanaaralugu. 

Angutinnguaq Tittussen, Nunanut allanut unammisartunut sungiusaasoq
Greenland Taekwon-Do Federation

- Nuannaarutigaara GTF-imit unammisartoqarnikkut inerisaaqataaqqinnissamut periarfissinneqarnera. GTF qanimut suleqatigalugu unammisartoqarnikkut massakkut sinaakkutit pilersissimasagut ilusilersueqataaffiginissaannut qilanaarpunga. COVID-19 unammisartoqarnikkut sunniuteqarsimagaluartoq, qilanaarpunga unammisartut piukkunnaatillillu piffissami siunissaq eqqarsaatigalugu piginnaasaasa inerisarneqarnerisa siuttuuffiginissaannik, Angutinnguaq Tittussen oqarpoq. 

Nunatsinni Taekwon-Do-tartut 400-t missaaniipput. Kingullermi Taekwon-Do-mi Nunatsinni Unammersuartoqarmat nittartakkakkut novembarimi 2020-mi unammersuartoqarpoq. Tamanna piviusunngortinneqarpoq Nunarsuarmi Taekwon-Do Kattuffiat suleqatiginerasigut. Unammersuarnermi Hong-Kong-imiit, Bulgaria-miit USA-miillu ilaatigut dommereqarput. Corona sioqqullugu 2019-mi kingullermik Nuummi Taekwon-Do-mi unammersuartoqarpoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER