Angutimmarik aamma Aqqaluk peqataasinnaanatik nalunaarput

Panamerikamut anngunniunnermut Kalaallit Nunaata assammik arsartartui peqataassapput, anngunniunneq februaarip 25-aniit martsip aallaqqaataata tungaanut Mexico City-mi ingerlanneqassaaq.

Anngunniunnermi sisamat anngutissapput. Annguttut Uruguay-imi Montevideo-mi Panamerikami pissartanngorniunnermi junimi ingerlanneqartussami peqataassapput.

Panamerikami pingasut annguttut aappaagu nunarsuarmi pissartanngorniunnissami Qatar-imi ingerlanneqartussamut anngutissapput. Mexico City-mi unammeqattaarnissani makitsisoqaqqammerpoq, Kalaallit Nunaat Cuba-mut unammeqqaassapput:

Marlunngorneq 25. februar nal. 16.00 - Kalaallit Nunaat – Cuba
Pingasunngorneq 26. februar nal. 16.00 - Puerto Rico – Kalaallit Nunaat
Sisamanngorneq 27. februar nal. 18.00 - Mexico – Kalaallit Nunaat
Tallimanngorneq 28. februar nal. 16.00 - Kalaallit Nunaat – USA
Arfininngorneq 1. marts nal. 14.00 - Kalaallit Nunaat – Den Dominikanske Republik

Mexicop nalunaaqutaa malillugu unamminissat nalunaarutigineqarput. Mexico nunatsinnit akunnerit pingasut kingulliupput.

Nunanut allanut unammisartut sungiusaasuata Niels Møller-ip unammisartut unammeqattaarnissanut uku toqqarpai:
Michael Lukacs, Lars Kjølby, Miilu Rosing, Andreas Lorentzen, Nuka Heilmann, Miki Heilmann, Danny Brandt, Rasmus Larsen, Nuuno Lars Olsen, Eqalunnguaq Kristiansen, Finn Lynge Frederiksen, Aqqaluk Ingemann, Minik Dahl Høegh, Akutaaneq Kreutzmann kiisalu Inuk Olsen.

Angutimmarik Kreutzmann Aqqaluk Sørensenilu peqataasinnaanatik nalunaaruteqarnikuupput.

Nunanut allanut unammisartut sungiusaasuata Ingi Olsen ikiortigissavaa kiisalu tagiartuisartoq Berit Duus Mexico City-mut aamma peqataassapput.