Angut Uummannami persuttagaasimasoq

Angut 20-kkunnik ukiulik arfininngormat ullaassakkut persuttagaasimavoq, maannalu napparsimmavimmi nakkutigineqarluni uninngalluni. Angut alla pisimasumut atatillugu tigusaasimavoq.

Kalaallit Nunaanni Politiit sapaatip akunnerata naanerni nunami sumiiffinni assigiinngitsuni angerlarsimaffimmi eqqissiviilliornerit, aqqusinermi eqqissiviilliornerit persuttaanerillu ulapputigisimallugit nalunaaruteqarput.

Uummannami immikkut peqqarniitsumik persuttaasoqarsimavoq, pigaartut pisortaat Julie Senderovitz Bandtsen oqaluttuarpoq.

Politiit persuttaasoqarsimasoq pilllugu unnuaq nalunaarfigineqarput, politiilli ambulancelu takkummat persuttaaffiusumi najuussimasut qimagutereersimapput.

Nakkutigisassanngorlugu unitsinneqarsimasoq

- Persuttarneqarsimasoq ullaaq nammineerluni saaffiginnippoq. Ajoqusersimavoq inuunerali ulorianartorsiorani.

- Nakkutiginiarlugu napparsimmavimmut unitsinneqartoq, pigaartut pisortaat oqaluttuarpoq.

Persuttarneqarsimasoq angutaavoq 20-kkunnik ukiulik, angullu alla aamma 20-kkunnik ukiulik persuttaasimasutut pasillerneqarluni tigusarineqarsimavoq.

Pigaartut pisortaat naapertorlugu persuttaaneq erngunnerup nalaani pisimassagatinneqarpoq, tigusarineqartorlu politiinit killisiorneqareeruni iperaassaaq. Pisimasumut arlallit takunnissimapput.

Powered by Labrador CMS