Skip to main content

Angut umiatsiamik angalasoq ajunaartoq

Politiit assigiinngitsunik suliaqarsimallutik nalunaarput. Napasup eqqaani angut umiatsiamik angalatilluni ajunaartoq ilisimatitsissutigineqarpoq. Suliami allami angut aallaammik siorasaarisoq tigusarineqarpoq.

Umiatsiamik ajutoortoqarsimaneranik politiit tallimanngornermi unnukkut nalunaarfigineqarput.

- Nunaqarfiup Napasup eqqaani angut ajutoorsimasoq nalunaarfigineqarput. Angut ajunaarsimasoq paasitinneqarpugut, suliamullu tunngatillugu annertunerusumik oqaaseqarsinnaanngilanga, politiinit Brian Thomsen Sermitsiaq.AG-mut oqarpoq.

Siorasaarisoq tiguneqartoq

Suliami allami angummik Paamiuni politiit tigusaqarsimasut ilisimatitsivoq. Angummik aallaammik qunusaarisumik politiit nalunaarfigineqarput arfininngornerup ullaani nalunaaqutaq 7.23.

- Pisumi susoqarpiarsimanersoq politiit misissuileruttorput. Angut inunnut aallaammik siorasaarisimavoq, imigassamillu aalakoornartortalimmik imertoqareertillugu taamatut pisoqarsimalluni. Pisumi qujanartumik seqqortoqanngilaq. Angut eqqartuussivimmut sassartinneqassanersoq politiit nalilersussavaat, Brian Thomsen ilisimatitsivoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER