Attavissanik pilersitsisoqarpoq angusaqartoqarlunilu. Maanna nunatta Kinami sinniisoqarfiata ittuata Jacob Isbosethsenip tulliani alloriaqqinnissaq ukkataraa.

Aviisi AG taama allappoq.

- Suliassap tullia pingaaruteqartoq tassaavoq Naalakkersuisup Vivian Motzfeldtip angusaqarfiusumik Kinami nunanut allanut ministerip tullersortaanik kiisalu aalisakkanik avammut niuerneq qitiutillugu killilersugaanngitsumik niueqatigiinnissamik isumaqatigiissuteqarnissamik misissueqqaarnissaq pillugu niuernermut ministerip tullersortaanik ataatsimeeqateqarnerata piorsaqqinnissaa, oqaluttuarpoq.

Misissueqqaarnissamik suliassaq pingaarutilik tassaavoq takornariaqarneq.

- Corona sioqqullugu ukiumut Kinamiut takornariat 2-3000-it nunatsinnukartarput. Timmisartumik umiarsuarnillu takornariartaatinik. Ammaanersiornermut atatillugu takornariaqarnermut isumasioqatigiissitsinermi oktobarip aallaqqaataani ima inissisimasoqarpoq aallartitaqarfik Kinamiunut Kalaallit Nunaaliarusuttunut akuersissutinik 1600-nik tunniussaqareersimalluni. Tamanna assersuutissatut tunngavigisinnaavarput takuniarlugu aappaagu amerlanerulersitsisinnaanersugut. Neriuppugut periarfissaqartoq, 42-nik ukiulik Jacob Isbosethsen oqarpoq.

Suliassaqarfiit taakku marluk Kalaallit Nunaata Kinamik suleqatiginninnissami neqeroorutigisinnaalluarpai.

- Attaveqaasersuutit siunissami pitsanngoraluttuinnartut neriunaateqartullu pigaavut, aammali nukissat nunatsinnilu suliffeqarfiit pigereerpavut, taamaalilluta naqqaniit aallartittariaqarnata, oqarpoq.

- Suliavut tamarmik inuiaqatigiinnut iluaqutaaqqunaqaat, taamaanngikkunik soqutaanavianngillat, oqarpoq.

Aviisimi AG-mi atuarnerusinnaavutit. Aviisi uani pissarsiariuk:

AG - 15/11-2023

Klik her for at læse