Angut toqutsisimasutut tigummigallarneqartoq

Angut Tasiilami toqutsisimasutut pasineqarluni marlunngornermi ualikkut ulluni 28-ni tigummigallagassanngortinneqarsimavoq.

Najukkami eqqartuussivik marlunngornermi nalunaaqutaq 16.00 taamatut aalajangertoq, politiit tusagassiorfitsigut nalunaaruteqarlutik ilisimatitsipput.

Politiit siusinnerusukkut ilisimatitsissutigaat, angut toqutsisimasutut unnerluutigineqartoq. Suliaq marlunngornermi unnuakkut aallartinneqarpoq, angut Tasiilami najugaqarfimmi toqungasoq pillugu nassaartoqarsimasoq nalunaarutigineqarmat.

Politiit piffissami sivikitsumi misissuereerlutik toqutsisimasorisaq marlunngornermi ullaakkut tigusarivaat.

Angutip unnerluutigineqartup unnerluussummut qanoq isumaqarnera ilisimatitsissutigineqanngilaq, najukkamili eqqartuussiviup unnerluussisussaatitaasup ulluni 28-ni tigumminnikkallartoqarnissaanik piumasaqarsimanera malissimavaa.

Eqqartuussivimmut sassartitisineq matoqqasumik ingerlanneqarpoq.

Politiit marlunngornermi unnukkut tusagassiorfitsigut nalunaarutaat naapertorlugu, toqutaasimasoq suli kinaassusersineqanngilaq. Marlunngornermi ualikkut misissuinermi aqutsisup Malik Sandgreenip erseqqinnerusumik oqaatigisinnaasimanngilaa, politiit toqutaasimasoq sooq kinaassusersiuminaatsinneraat.

Politiit misissuinerminnu atatillugu Tasiilami Naasuliartarpimmut, toqungasumik nassaarfiusimasoq assersorsimavaat. Sumiiffik ulluni aggersuni suli matoqqatinneqassaaq.

Powered by Labrador CMS