Angut toqutseriarsimasutut tigummigallarneqalersoq
Angut toqutseriarsimasutut sapaatip-akunnerata naanerani eqqartuussivimmut sassartinneqarlunilu tigummigallagassanngortinneqarsimavoq. Politiit suliamut atatillugu paasissutissanik tunniussinissamut tunuarsimaarput.
Annonse
Angut sapaatip-akunnerata naanerani Nuup illoqarfiata immikkoortortaani Nuussuarmi pisorareersoq tigusarineqarsimavoq, pigaartut pisortaat Gideo Quist Sermitsiaq.AG-mut taamatut ilisimatitsissuteqarpoq.
Pigaartut pisortaa misissuisoqarnera eqqarsaatigalugu suliamut atatillugu paasissutissiisinnaannginnerarpoq.
Oqaluttuaraali sapaatip-akunnerata siuliata naanerani arfininngornikku nal. 06.30 nalunaarutigineqartoq tunngavigalugu politiit angut tigusarisimagaat.
Angut 40-kkut qeqqanni ukiulik tigusarineqareerluni eqqartuussivimmut sassartinneqarsimavoq, decembarillu 15-iata tungaanut tigummigallagassanngortinneqarsimalluni.