Angut sulinerup nalaani ajutoornerup kingorna toqusoq
Angut 60-inik ukiulik Nuummi sanaartorfimmi nakkarluni ajunaarpoq. Politiit aamma Suliffinnik Nakkutilliisoqarfik ajutoortoqarsimaneranik misissuipput.
Nuummi sanaartorfimmi Nuukullammiittumi angut 60-inik ukiulik tallimanngornermi nakkarpoq ajunaarlunilu.
Kalaallit Nunaata Politiivi sulinerup nalaani ajutoortoqarneranik nalunaarfigineqarput tallimanngornermi nal. 14.31. Ajutoortoqarsimanerani qatserisartut ornigussimapput.
- Angut 60-inik ukiulik sanaartorfimmi sulinermi nalaani nakkarsimavoq. Angut nakkarsimasoq aqqunarsimasut nakorsiartarfiliaanneqarpoq, ajoraluartumilli toqusimasoq nalunaarutigineqarluni, pigaartut aqutsisuat Julie Senderovitz Bendtsen Sermitsiaq.AG-mut oqaluttuarpoq.
Misissuinerit naammassisut
Julie Senderovitz Bendtsen ilisimatitsivoq ajunaartoqareernerani politiit aamma Suliffinnik Nakkutilliisut misissuisut.
- Politiit nalunaarusiaat naammassilerpoq aamma nakkutilliisoqarfiup nalunaarusiaa suliarineqarpoq. Nalunaarusiat naammassippata sanillersuutissavagut suliffeqarfimmi isumannaallisaanikkut pissutsinik unioqqutitsisoqarsimannginnersoq paasiniarlugu. Nalunaarusiat suli tigunnginnatsigit annertunerusumik oqaaseqarsinnaanngilanga, oqarpoq.
Nakkartoqarnerani takunnittut oqaloqateqarlutik ikiorneqarnissaannik politiit isumaginnissimapput.
Ajunaartup ilaqutai kalerrinneqarsimapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...