Skip to main content

Angut Qaqortumi toqutaasimasoq

Angut togungasoq tallimanngormat unnukkut Qaqortumi siumorneqarsimavoq, persuttaasoqarsimaneranut atatillugu tamanna pisimavoq. Politiit 19-inik ukiulik toqutsimasorineqartoq tigusarisimavaat.

Politiit tallimanngormat unnukkut nal. 23.47 nalunaarfigineqarsimapput, Qaqortumi Majavejimi peqqarniitsumik persuttaasoqarsimasoq.

- Politiit najukkamut apuukkamik inummik toqungasumik siumugaqarsimapput, Kalaallit Nunaanni Poliit pigaartuisa pisortaat Aqqaluk Petersen ilisimatitsivoq.

Pigaartut pisortaat naapertorlugu, toqutaasimasoq angutaavoq 67-inik ukiulik.

Poliit toqungasumik siumuinerisa kingunitsiannguatigut, toqutsisimasutut pasineqartoq politiinit tigusarineqarsimavoq. Pasineqartoq angutaavoq 19-inik ukiulik, pigaartut pisortaat ilisimatitsivoq.

Tunngaviusumik inatsit naapertorlugu killisiorneqassasoq

19-inik ukiulik ullumi kingusinnerusukkut eqqartuussivimmi tunngaviusumik inatsit naapertorlugu killisiorneqassaaq, tassani politiit angut tigummigallarneqassasoq eqqartuussivimmut piumasariniarpaat.

Aqqaluk Petersenip ilanngullugu ilisimatitsissutigaa, ilaatigut pinerluttoqarsimatillugu misissuisartut Danmarkimeersut ikiortiserineqarsimasut.

Pigaartut pisortaa misissuisoqarnera pissutigalugu, pisimasoq pillugu maannakkorpiaq ilisimatitsissuteqarusunngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER