Skip to main content

Angut persuttarneqarsimasoq ajoqusingaatsiarsimasoq

Kangaatsiami angut sapaatip akunnerata naanerani persuttarneqarami ajoqusingaatsiarsimammat Nuummi suliarineqartussanngorlugu aallarukkasuarneqarsimavoq.

Politiit Kangaatsiami sapaatip akunnerata naanerani peqqarniitsumik persuttaasoqarsimanera pillugu allanik paasissutissiipput.

Politiit tusagassiorfinnut nalunaaruteqarlutik ilisimatitsipput, angut 25-nik ukiulik minnerpaamik inunnik marlunnik peqqarniitsumik persuttaallunilu toqutsinissamik sioorasaarisimasoq.

-  Persuttarneqarsimasup aappaa ajoqusingaatsiarsimammat Nuummut aallarukkasuarneqarsimavoq. Politiit pisimasumik misissuipput, ilaatigut allat persuttarneqarsimanersut misissorneqarluni, Kalaallit Nunaanni Politiit allapput.

Savimmik sakkoqarsimasoq

Suliaq aallartinneqarpoq, politiit arfininngornermi ullup-qeqqata siornatigut nalunaaqutaq 0:07 nalunaarfigineqarmata, Kangaatsisami angerlarsimaffiit ilaanni eqqissiviilliortoqartoq pillugu.

- Nunaqarfimmi kommunefogedi sumiiffimmut aggersarneqarsimavoq, takkukkamilu persuttaasimasoq savimmik sakkoqartoq atisamigullu aattaqartoq takugamiuk Aasianni politiinut ikiortissarsiorsimalluni, politiit allapput.

25-nik ukiulik sapaatiummat tunngaviusumik inatsit naapertorlugu killisiorneqarpoq, tassani oktobarip 21-ata tungaanut tigummigallarneqarnissaa aalajangiunneqarpoq. Angut toqutseriarsimasutut unnerluunneqarpoq, pineqartorli unnerluussummi pinngitsuunerarluni.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER