Angut Nuup Kangerluani ajunaarsimassagatinneqartoq

Angut sapaatiummat imaanut nakkarsimavoq, sulilu nassaarineqarani. Issittumi Sakkutooqarfik angummik suli ujaasivoq.

Kalaallit Nunaanni Politiit sapaatiummat unnukkt nalunaarfigineqarput, inuk ataaseq umiatsiaaqqamiit Nuup Kangerluani imaanut nakkarsimasoq.

Angut utoqqasaaq allamik peqateqarluni umiatsiaaqqamit aalisarsimavoq. Anut utoqqasaaq Sermitsiap avannaata kitaatungaani imaanut nakkarsimavoq.

Kalaallit Nunaanni Politiit Issittumi Sakkutooqarfik suleqatigalugu ujaasillutik aallartissimapput, ataasinngornerup ullaavani angut suli nassaarineqanngilaq.

- Pineqartup maqaasineqarnera sivitsormat ajunaarsimassagatipparput. Soorunami nassaarinissaa suli neriuutigaarput, Kalaallit Nunaanni Politiit pigaartuisa pisortaat Søren Bendtsen oqarpoq.

Qulimiguulimmik ujaasineq

Issittumi Sakkutuut umiarsuaq alapernaarsuut Triton atorlugu angutip nakkarfianukarsimapput, pigaartullu pisortaat oqaluttuarpoq, Issittumi Sakkutuut qulimiguulimmik ujaasineq aallartinneqassasoq ataasinngorpat ullaakkut sila qaammarpat.

- Aasiaat Radiuatigut aamma tamanna nalunaarutigineqarsimavoq, angallatit nakkarfiusimasup eqqaani ujaaseqataaniassammata, Søren Bendtsen oqarpoq.

Pigaartut pisortaata ilanngullugu ilisimatitsissutigaa, angutip ilaqutai nalunaarfigineqarsimasut.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS