Angut Nuummi toqutsisimasutut tigummigallarneqartoq
Angut 42-nik ukiulik sapaatiummat eqqartuussivimmi matoqqasumik eqqartuunneqareerluni tigummigallarneqalerpoq. Angut toqutsisimasutut toqutseriarsimasutullu unnerluutigineqarpoq.
Arnaq 40-nik ukiulik arfininngornerup sapaatillu akornanni unuakkut, Nuummi savimmik kapineqarsimalluni toqungasoq nassaarineqarpoq.
Arnap pania 15-inik ukiulik aamma savimmik kapineqarsimavoq, aniguillunili. Politiit naapertorlugit niviarsiaraq inuunerminik ulorianartorsiunngilaq.
Angut 42-nik ukiulik sapaatiummat ullaralaakkut tigusarineqarpoq, pinerlussimasutullu unnerluutigineqarluni, ulloq taanna kingusinnerusukkut Sermersuumi Eqqartuussivik aalajangerpoq, angut ulluni 25-ni tigummigallarneqassasoq.
Poliitit taamatutSermitsiaq.AG-mut ilisimatitsipput.
Angutip unnerluutigineqarnerminut qanoq isumaqarnera imaluunniit toqutsinermut tunngtillugu susoqarsimanera paasissutissiissutigineqarsinnaanngillat, eqqartuussineq matoqqasumik ingerlanneqarsimammat:
- Suliap misissuiffigeqqinneqarnissaa eqqarsaatigalugu, inatsit tunngaviusoq naapertorlugu killisiuineq matoqqasumik ingerlanneqarpoq. Taamaammat eqqartuussinermi paasissutissat suut saqqummiunneqarnersut politiinit ilisimatitsissutigineqarsinnaanngillat, politiit ataasinngornermi ullup-qeqqata siorna tusagassiorfinnut nalunaaruteqarnermi allapput.
Matoqqasumik inerlatsinermi suliamut attuumassuteqartut kisimik najuussinnaapput, eqqartuussivimmilu oqaatigineqartut avammut saqqummiuteqqusaanngillat.
- Suliaq suli misissuiffigineqartussaavoq, politiillu maannakkorpiaq allanik oqaaseqarsinnaanngillat, Kalaallit Nunaanni Politiit allapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...