Angut maqaasineqarpoq: Innuttaasut quinut angallatinullu marseqquneqarput

32-nik ukiulik Amos ”Martin” Jonassen maqaasineqartoq, politiit ataasinngornermi tamanut nalunaarutigaat. Taanna ilaquttaminit kingullermik pingasunngornermi 7. decembarimi takuneqarpoq.

Angut sisamanngornermi suli maqaasineqartoq pigaartut pisortaat Carl Sværd, Sermitsiaq.AG-mut ilisimatitsivoq, tassungalu atatillugu pigaartut pisortaat Nuummi innuttaasunut kaammattuivoq:

- Nuummi innuttaasut quiminnut, angallatiminnut assigisaannullu alakkaalaarnissaannik qinnuigaavut, sulimi tusarfiginnginnatsigu, Carl Sværd oqarpoq.

Mobiliata attaveqarnera kingullermik 9. decembarimi nalunaarsorneqartoq

Angutip mobilia kingullermik 9. decembarimi attaveqartoq nalunaarsorneqarsimasoq, taassuma nangilluni oqaluttuaraa – tassa sapaatip-akunnerata siuliani tallimanngornermi.

- 9. decembarip kingorna takuneqarsimappat, politiinut attaveqartoqarsinnaavoq, Carl Sværd oqarpoq.

Pigaartut pisortaata oqarnera naapertorlugu, angut piffissap taassuma ingerlanerani timmisartumik imaluunniit umiarsuarmik aallarsimanngilaq.

32-nik ukiulik ilaquttaminik aaqqiagiinngissuteqareerluni Nuummi umiarsualivimmi kingullermik takuneqarsimasoq, politiit siusinnerusukkut ilisimatitsissutigaat.

Angut ima nassuiarneqarpoq:

• Angut
• 32-nik ukiulik
• 165 cm missaani angissusilik
• Tuattoq
• Aappaluttumik teqqialimmik nasalik, qernertunik sullisilik, kamippai qasertut qaqortunik titarnillit Salomonit

Politiit 70 14 48-mut attaveqarfigineqarsinnaapput.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...