Angut kalaaleq ikuallangussaalluni ajunaartoq
Angut kalaaleq Korsørimi Sjællandimiittumi sapaatiummat unnuakkut ikuallagussaalluni ajunaarpoq
Annonse
Angut pineqartoq, kalaaliussangatinneqarpoq 39-inik ukiulik, Svenstrupimiittumi Svenstrupgaardimi sapaatiiummat unnuakkut ikuallattoqarnerani ajunaartoq. Angut qaammatip ataatsip matuma siorna inimut ikuallattumut nuussimavoq.
Nyhedshjemmesiden sn.dk allappoq.
Politiit annikitsuinnarnik paasissutissiipput - ajunaartup pisortatigoortumik suli kinaassusersineqannginnera pissutigalugu. Inimilli attartortitsisup qularinngilaa, inimi najugaqartoq ajunaarsimasoq, sn.dk allappoq.
Init arfineq-marluk assiaqusersorneqartut
Teknikeri Retsmedicinsk Institutimeersoq sapaatiummat ullup qeqqata siorna ikuallaffimmiippoq.
Ikuallanneq qaminneqapallappoq, inigineqartulli katillutik arfineq-marluk pisup alianartup kingorna iserfigeqqusaajunnaarlugit asserneqarput.