pineqaatissiineq
Angut inuusuttoq hashimik kiilunik pingasunik eqqussisutut pineqaatissinneqartoq
Kalaaleq inuusuttoq Danmarkimi najugaqartoq Nunatsinnut hashimik annertuumik eqqussisimavoq
Sermersuup Eqqartuussiviani pineqaatissinneqarsimasut inissiisarfianni ukioq ataaseq. Hashimut maajip 18-ani pineqaatissiissutigineqartoq, maanna politiit saqqummiussaat taama nipeqarpoq.
Marsip qaammataani angut inuusuttoq Nuummi mittarfimmi hashimik kiilunik pingasunik oqimaassusilimmik, Danmarkimit eqqusseriaraluartoq tigusarineqarpoq.
Atuaruk: Hashimik niueruteqarneq millioneerinik nutaanik pilersitsiortorpoq
Pineqaatissiissut naapertuuppoq, politiit unnerluussisuat Hans Falck-Petersen isumaqarpoq.
- Pineqaatissiissut naammagisimaarparput, inuiaqatigiittut hashimik imaluunniit ikiaroornartunik allanik eqqussuineq akuersaanngilluinnarneranik oqariartuuteqarnera pissutigalugu. Tamanna siornatigut pineqaatissinneqarsimanngikkaluaraanniluunniit imaluunniit aamma inuttut attaveqarluaraluaraanniluunniit apeqqutaanani.
Mittarfimmi paasineqartoq
Eqqussineq ukiormanna marsimi pivoq, angut Danmarkimi najugaqartoq Nuummi mittarfimut tikimmat, akitsuuserisunit paasineqarpoq.
Eqqartuussiviup eqqartuussisuata haship annertummat pingaartippaa, taamalillunilu pineqaatissinneqartoq unioqqutitsinermini aningaasatigut iluanaarujussuarnissani siunertarimmagu.
Pineqaatissinneqarnermut atatillugu angutip inuusuttup aamma eqqartuussinermut aningaasartuutit akilertussanngorpai.
Hashi pillugu allaaserisat tamaasa takukkit