Angut inuusuttoq biilinik ajutoornermi kingorna toqukkut qimaguppoq

Angut 21-nik ukiulik Nuummi biilinik sisamanngornermi unnuakkut ajutoornermi kingorna toqusimavoq.

Nuummi 400 Vejimi sisamanngormat unnuakkut biili ajutoorujussuarpoq.

Isiginnittut takusimavaat biili assakaalluni kaavittoq annertuumillu ajoquserluni. Biilimik aquttoq - angut 21-nik ukiulik - ajutoornermi biilinit avammut issugiunneqarsimavoq, ajorluinnartorlu napparsimmavimmukaanneqarsimalluni.

Pigaartut pisortaata Malik Olesenip tallimanngornermi ilisimatitsissutigaa, angut inuusuttoq napparsimmavimmi sisamanngormat toqukkut qimagussimasoq.

- Sunarpiaq toqussutigineraa paasiniarlugu piaarnerpaamikt timaa misissorneqassaaq. Ilaqutaasut ilisimatinneqarsimapput, Malik Olesen oqarpoq.

Politiit misissuigallarsimanerat naapertorlug, angut kisimiillu ajutoorsimavoq. Politiit sisamanngornermi unnuakkut nalunaaqutaq 01.04 ajutoortoqarsimanera pillugu nalunaarfigineqarput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS