Angut inissiarsuarmi ikuallatsitsisimasutut pasineqarluni tigusarineqartoq
Nuummi sisamanngornermi inissiarsuarmi ikuallattoqareersorlu angut politiinit tigusarineqarpoq.
Nuummi inissiarsuarmi ikuallattoqareersorlu angut ikuallatsitsisimasutut pasineqarluni tigusarineqarpoq. Angut 30-t sinnilaarlugit ukioqarpoq tigummigallagassanngortinneqarnissaalu siunertaralugu ullumi kingusinnerusukkut eqqartuussisoqarfimmi inatsisit tunngaviusut malillugit killisiorniarlugu sassartinneqassalluni.
Taama pigaartut pisortaat Jørgen Madsen Sermitsiaq.AG-mut paasissutissiivoq.
Sisamanngornermi ullup-qeqqata siornatigut politiit, qatserisartut upalungaarsimasullu sinneri Nuummi Nuussuarmi naluttarfiup Maliup eqqaani inissiarsuarmut aggersarneqarput.
Tassani inissiaq ikuallalersimavoq, inuillu inissiap sanilerisaani qulaanilu najugaqartut inissiarsuarmit aninissaannik qinnuigineqarlutik.
Inissiami ikuallalersimasumi qatserisartut imerpalasut ikuallajasut takussutissartaannik qatserisartut nassaarput, tamatumalu kingorna politiit teknikerinik qanimut misissuisussanik inissiamukartitsillutik, pigaartut pisortaat oqaluttuarpoq.
Angut paasiniaanermut atatillugu tigusarineqarpoq. Angut inissiarsuarmi najugaqarnersoq politiit paasissutissiissutigerusunngilaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...