Skip to main content

Angut Ilulissat eqqaani ajunaarsimassangatinneqartoq

Politiit angummik Ilulissat eqqaani arfininngormalli ujaasilersimapput. Sapaatiummat ujaasineq unitsiinnarneqarpoq, politiillu angut sermersuarmi ajunaarsimassangatippaat.

Angut arfininngormat unnulersukkut Ilulissat avannaata kangiata tungaani maqaasineqalersimavoq.

Politii nal, 17,26 nalunaarfigineqarsimapput, pigaartullu pisortaata Brian Thomsenip ilisimatitsissutigaa, sumi ujaasisoqassanersoq paasinarsipallassimasoq.

Sapaatiummat ullup-qeqqa qaangilaaraa politiit ujaasinermik unitsitsisimapput, ajunaartoqasimaneranik takussutissaqarnera pissutigalugu:

Qupparmut nakkarsimassangatinneqartoq

- Ujaarineqartup sermersuarmi qupparmut nakkarsimaneranik takussutissamik nassaarsimavugut, Brian Thomsen oqaluttuarpoq, nangillunilu:

- Ajutoorsimarpasippoq, pineqartullu toqukkut qimagussimanissaa ilimanarluni.

Pigaartut pisortaat naapertorlugu, angut nunamit allameersuuvoq, Kalaallit Nunaanni Danmarkimiluunniit najugaqanngitsoq.

Brian Thomsenip ilanngullugu ilisimatitsissutigaa, angutip qanigisai angalaaqataasimasut, taamalu ilisimatinneqareersimallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER