Angut illersuisumik oqaloqateqarnermini qimaasoq
Angut tigummigallarneqartoq ataasinngornermi Nuummi politeeqarfimmit qimaasoq politiit ujaaraat.
Ataasinngornermi angut politiinit qimaavoq. Tassani 29-nik ukiulik Erik Jakobsen pineqarpoq.
Angut ataasinngornermi ullaakkut nal. 08.10 tigusarineqarsimasoq, Kalaallit Nunaanni Politiit Facebookimi allapput. Sakkortuumik pinerlussimanermik misissuinermut atatillugu tigusarineqarpoq, angullu illersuisuminik oqaloqateqarnermini qimaavoq.
Angut suli nanineqarsimanngitsoq, pigaartut pisortaat Preben Kleist marlunngornerimi ullaakkut ilisimatitsivoq. Pigaartut pisortaata misissuineq eqqarsaatigalugu, angut qanoq pinerlussimanermini tigummigallarneqarnersoq oqaatigisinnaanngilaa.
Innuttaasut ujaarineqartoq takugunikku inuk attaveqarfiginagu politiit attavigineqassassut, Preben Kleist oqarpoq.
Erik Jakobsen ima nassuiarneqarpoq:
- 29-nik ukiulik
- 175 cm missaani angissuseqarpoq
- Tuattuulluni
- Tujuuluk nasartalik saavatigullu løvep kiinaanik assitaqarluni - Qernertunillu Adidasinik qarleqarluni
- Ateraasat qernertuupput
Arlaatigut Erik Jakobsen pillugu paasissutissaateqartoqaruni qinnuigissavagut Politiit telefonianut 70 14 48-mut attaviginneqqullugit.
Biilit aallarunneqartut
Angutip ujaarineqarnerata saniatigut, marlunngornermi ullaakkut biilinik aallarussisoqarsimasoq kiisalu biilinut tillinniartoqarsimasoq, Preben Kleist ilisimatitsivoq – taakku tamarmik Nuummi pipput.
Politiit marlunngornermi ullaap tungaani biilit aallarunneqarsimasut suli ujarpaat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...