Angut aqqusinermi ajutoortoqarmat tigusarineqarsimasoq iperagaasimavoq

Angut aqqusinikkut angallanneq pillugu inatsimmi aalajangersakkanik arlalinik unioqqutitsisimasutut unnerluutigineqarsimavoq. Pigaartut pisortaata tallimanngornermi ullaakkut arlalinnik ajutoortoqareersoq aqquserngit quasannerat mianersoqqussutigaa.

Sisamanngornermi ullup-qeqqata siorna Nuup Qinnguani biilinik ajutoortoqarmat inuit marluk ajoqusersimapput.

Tamatuma kingornatigut politiit suliamut atatillug angummik tigusarinnissimapput.

Kalaallit Nunaanni Politiit pigaartuisa pisortaata Gedion Quistip tallimanngornermi ullaakkut ilisimatitsissutigaa, angut iperagaasimasoq.

Angut pineqartoq ilaatigut biilinut siulimini ingerlasunut qanippallaartumik biilersimasutut kiisalu aqqusinermi ajutoortoqarneranut atatillugu pisussaaffimminik malinnissimanngitsutut unnerluutigineqarpoq.

Pigaartut pisortaata oqaluttuaraa, angut ajutoorfimmiit biilerluni ingerlaqqissimasoq. Ajutoornermut akuusimagaanni imaluunniit ajutoortoqarneranut pissutaasimagaanni politiinut nalunaaruteqarnissaq pisussaaffiuvoq.

Politiit aamma angutip aaversinnissaa isumagisimavaat, tassani paasiniarlugu imigassartorsimanersoq imaluunniit aanngajaarniutinik pisimanersoq, politiinilli taamatut pasineqanngilaq.

Aqquserngit quasannerat mianersoqqutigineqartoq

Unnerluussutit minnerpaamik akiligassinneqarnermik kinguneqarsinnaasut, pigaartut pisortaata oqaatigaa.

Pigaartut pisortaat tamatuma saniatigut Nuummi tallimanngornermi biilertunut kaammattuuteqarpoq.

- Tallimanngornerup ullaavani billit marluk aamma aqqusinermi ajutoorput. Aqquserngit quasattupilussuupput, taamaammat mianersorlusi ingerlaassaasi, Gedion Quist oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS