Skip to main content

Angut aavarnermini kuliltimik najuussuivallaarluni toqusoq

Angut Sisimiut ungasinngisaanni aavarnermi nalaani toquvoq. Inuit pingasut aavaqataasut allat Sisimiut napparsimmavianut nakkutigingallaganngorlugit uninngatinneqartariaqarsimapput.

Sisimiuni politiit tallimanngornermi ullaassakkut ilisimatinneqarput Sisimiut kangiani Avalliup tasiata qinnguani ajutoortoqarsimasoq.

Inuit sisamat aavarnermik nalaanni tupermi unnuisimapput, kissarsuullu pisarneq malillugu toqqup iluaniitissimallugu. Kissarsuut toqqup iluani toqunartuliorsimavoq, inuillu sisamat tamarmik silaannarmik kuliltitaqarpallaartumik toqqutaasinnaasumillu najuussuingaatsiarsimallutik.

Politiit qulakkeerpaat angut 50-it missaanni ukiulik kuliltimik najuussuivallaarsimalluni toqusimasoq. Inuit pingasut ilaasut kuliltimik najuussuivallaarsimanerup ersiutaannik maluginiagaqarput, tassa merianngullutik silalullutillu.

Pisoq alianartoq

- Sisimiuni nalaanneqartoq, soorunami pisoq alianarluinnartutut nalilerparput, Sisimiuni politikommissær Karl-Jørgen Lennert Sermitsiaq.ag-mut oqaluttuarpoq.

Inuit sisamat qulimiguulimmit piaartumik aaneqarput, napparsimmavimmiillu ikiuigasuartussamik ilaasoqarluni.

- Ikiuuttussat takkummata angut toqoreersimavoq. Inuit pingasut sinneruttut tupertik singeersimavaat, silaannarissaramillu iluaallatsitsisimallutik, Karl-Jørgen Lennert ilisimatitsivoq.

Sisimiunut tikinnermi inuit annattut pingasut Sisimiut napparsimmavianut oqqunneqarput nakkutigineqaqqaarsimallutillu.

Mianersortoqarnissaa politiit kaammattuutigaat

Ukiarnerani unnuit nillertinneruleriartulereerput. Aavartoqartillugu tuperni unnuinermi kissarsuuteeqqat primussit kissarsuutillu anginerusut unnuakkut ikumatillugit atorneqartarnerat nalinginnaasuuvoq. Atuinermi mianersortoqarnissaa politiit kaammattuutigaat.

- Atortut mianernaatsuugaluarput, siornatigut aamma atorneqartareerput. Ajutoortoqarsinnaavorli, taamaattumik kaammattuutigiinnassavarput mianersorluni atorneqassasut, Sisimiut Politiini politikommissær Karl-Jørgen Lennert ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER