Skip to main content

Angut 77-nik ukiulik angerlarsimaffimmini ujajaaffigineqartoq

Angut sisimiormiu 77-inik ukiulik angerlarsimaffimmini ataasinngornermi ujajaaffigineqarpoq, ujajaasup angut siorasaarlugu 5.000 koruuninik ujajaaffigaa. Takunnissimasinnaasut ujartorneqarput

Ataasinngornermi ualikkut sisamanut tanneq arfineq pingasup missaani angut 77-nik ukulik angerlarsimaffimmini Niviarsiami ujajaaffigineqarpoq.

Taama Qeqqani Politiini politikommissæri Karl Jørgen Lennert ilisimatitsivoq.

Karl Jørgen Lennertip ilisimatitsinera naapertorlugu politiit angerlarsimaffimmi ujajaasoqarneranik nalunaaqutaq 15.43 nalunaarfigineqarput, angut 77-inik ukiulik tamatuma siulinngua 5.000 koruuninik siorasaarneqarluni ujajaaffigineqarsimavoq.

Ujajaasoq ima isikkoqarnerarneqarpoq:

Angut kalaaleq, 15 - 20 missani ukiulik, 175 centimeterit missaannik angissusilik nalinginnaasumillu isikkulik, kavaajaasaq nasartalik qarlippaallu aappalungusersut atorpai, kiisalu aamma qaamasunik træningsskoqarsimalluni.

Biilit aamma aallarunneqartut 
Qeqqani politiit ilanngullugu maluginiaqquaat ujajaasoqariitsiarnerata kingorna biilit lastillit ‘Toyoto Hilux’-inik mærkillit, nalunaarsorneqarnermikkut GR 83 - 494-imik normoqartut, aamma aallarunneqarsimammata. Biilit Sanaartornermik Ilinniarfiup pigivai.

- Biilit taakkua kingorna Aqqartarfik blok 3-p eqqaani nassaarineqarput, Karl Jørgen Lennert allappoq. 

Takunnissimasinnaasut, angerlarsimaffimmi ujajaanermut imaluunniit biilinik tillinnermut ilisimasaqarsinnaasut, Sisimiuni politiinut oqarasuaat 70 13 22 atorlugu attaveqaqquneqarput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER