Angut 64-nik ukiulik kiggigussaalluni ajunaarpoq

- Angut 64-nik ukioqartoq suliaqarnermini kiggigussaalluni ajunaarpoq, Nuummi Politiini vagtchefi Aqqaluk Petersen Sermitsiaq.AG-mut oqarpoq.

Napparsimaviliaanneqartoq

Alianartumik pisoqareersoq angut Tasiilamukaanneqarpoq. 64-nik ukiulik toqukkut qimagussimasoq politiit ataasinngormat nalunaaqutaq 12.14 nalunaarfigineqarput.

Sullivinnik Nakkutilliisoqarfiup aamma Imarsiornermik Aqutsisoqarfiup susoqarpiarsimanersoq misissussavaat, ilisimatitsissutigineqarpoq.

Alianartumik pisoqarneranut ilaqutaasut nalunaarfigineqareerput.