Angut 59-inik ukiulik Maniitsumi ujaarineqarpoq
Maniitsumi politiit angut 59-inik ukiulik ujaaraat. Taanna ilaquttaminut kingullermik attaveqarpoq marlunngorneq 13. september.
Emil Biilmann, 59-inik ukiulik Maniitsumi Politiinit ujaarineqarpoq. Angut 59-inik ukiullip ilaquttani marlunngornermi 13. september kingullermik attaveqarfigisimavai.
59-inik ukiulik Emil Biilmann, suliartortarsimananilu ilaquttaminut marlunngornermi 13. septemberimili kingullermik attaveqarsimammat, ernummatigineqarluni Maniitsoq Politiinut 16. september nalunaarutigineqarpoq.
Politiit taama ilisimatitsipput.
Angut, 160 cm missaannik angitigisoq, nerinnalaartoq.
Nujai qernertut naatsut, isaruaqarpoq.
Ulluinnarni tungujortumik kavaajaqartarpoq, tungujortunik taartunik koorpunnik qarleqartarlunilu, kamippaqarluni qernertumillu nasaqarluni.
- Maqaasineqartoq sumiissinnaanersoq umiatsiarluniluunniit avalassimanersoq pillugu paasissutissaqanngilaq. Maqaasineqartumut attaveqarsimasut politiit taamaattumik oqaloqatigerusuppaat, innuttaasullu ikiortiseralugit, politiit allapput.
Innuttaasut paasissutissaateqartut Kalaallit Nunaata Politiivinut 70 14 48-mut sianeqquneqarput.