Angut 48-nik ukiulik Nuup Qinnguani toqungasoq nassaarineqarsimavoq
48-nik ukiulik Nuka Zeeb Jerimiassen Nuup Qinnguani sapaatiummat unnukkut tammaaneqartoq, pingasunngornermi ualikkut toqungasoq nassaarineqarsimavoq.
Politiit qatserisartullu pingasunngornermi ualikkut sisamap missaani 48-nik ukiulik Nuka Zeeb Jerimiassen nassaarisimavaat, misissuinermi aqutsisoq Malik Sandgreen Sermitsiaq.AG-mut taamatut ilisimatitsissuteqarpoq.
- Politiit qatserisartullu angut ujaarineqartoq pingasunngornermi nalunaaqutaq 16.00 toqungasoq nassaarisimavaat. Toqusimanera pasinartortaqanngilaq, taanna oqarpoq.
- Pineqartup ilaqutai ilisimatinneqarsimapput, Kalaallillu Nunaanni Politiit ujaasinermut ikiuussimasut tamaasa qutsavigerusuppaat.
Nuka Zeeb Jerimiassen Nuup Qinnguani angerlarsimaffimminiittoq sapaatiummat unnukkut kingullermik takuneqarsimavoq, pingasunngornermilu maqaasineqalersimalluni.
Politiit pingasunngornermi ualikkut ujaasineq aallartippaat, innuttaasullu quiminni kælderiminnilu misissueqqusimallugit, suliamullu atatillugu paasissutissaateqarsinnaasut politiinut nalunaaruteqaqqusimallugit.