Angut 36-nik ukiulik Qaqortumi toqutsisimasusut pasineqartoq eqqartuussiveqarfiup iperagaatippaa

Angut 36-nik ukiulik ukioq manna siusinnerusukkut toqutsisimalluni nalunaarutiginnikkiartorsimasoq, suliamik misissuinermi paasisaqartoqanngimmat iperarneqarpoq.

Angut 36-nik ukiulik februaarimi ukioq manna politiinut imminut nalunaarutigalugu toqutsisimalluni nassueruteqartoq, Eqqartuussiveqarfik Kujalliup pingasunngornermi iperagaanissaa aalajangiuppaa. Kalaallit Nunaanni Politiit tusagassiuutinut nalunaarummi taama ilisimatitsipput.

Angut suliami suli pasisaavoq, februaarimili tigummineqalernikuuvoq.

Angutip saaffiginninnerata kingorna politiit erngertumik toqutsisoqarsimanersoq misissuinermik aallartitsipput, ilaatigut Qaqortumi Vatikanbakkenip eqqaani assaapput, taamatullu aamma sumiiffimmi qimmilerluni ujaasisoqarpoq.

Aalajangiisunik takussutissaqanngitsoq

Misissuinerli maannamut paasisaqarfiunngilaq, taamaattumik angutip 36-nik ukiullip pingasunngornermi Eqqartuussiveqarfik Kujalliup iperagaanissaa aalajangiuppaa.

- Suliaq suli misissorparput, sulilu misissugassanik qulaajaanermi amigaateqarluta. Kisianni maannamut misissuinerput pasineqartup nassuiaataanut naammaginartumik pissarsiffiusimanngilaq, pasilliutigineqartumullu tunngavigineqartoq tigummigallarneqarnissaanut annikippallaartoq eqqartuussiveqarfiup nalilerpaa. Taamaattumik angut maanna iperagaavoq, politikommissære Malik Sandgreen, misissuisartut immikkoortortaqarfiani aqutsisoq taama oqarpoq.

Powered by Labrador CMS