Skip to main content

Angut 32-nik ukiulik Sisimiuni ajunaartoq

Angut 32-nik ukiulik ataasinngormat Sisimiut kujatinnguani umiatsiaminit imaanut nakkarluni ajunaarsimavoq. Politiit ilisimatitsipput, pisumut atatillugu pinerluuteqartoqarsimanngitsoq.

Angut 32-nik Sisimiuni ataasinngormat ajunaarpoq. Politiit Sermitsiaq.AG-mut taamatut ilisimatitsipput. 

Aasiaat Radioat ataasinngormat ualikkut tallimat qaangilaaraat , inummit ataatsimit arlinnilluunniit Sisimiut kujataani umiatsiamiittunit kalerrinneqarpoq. Angut umiatsiamit imaanut nakkarsimasoq pillugu nalunaaruteqartoqarluni.

Politiit Issittumi Sakkutooqarfik attavigisimavaat, sakkutoorqarfimmit qulimiguulik angummik imaanit qaqitsiartortillugu aallartinneqarsimavoq, Sisimiunilu napparsimmavimmukaanneqarluni.

Angut unnukkut qulingiluat-qeqqata missaani napparsimmavimmut anngunneqarmat, nakorsanit toqusimasutut nalunaarutigineqarpoq, uummarsarneqarsinnaanngitsutut nalilerneqarmat.

Politiit apersuisimanertit toqusullu timaanik misissuisimaneq tunngavigalugit oqaatigisinnaanerarpaat, ipilluni ajunaarsimasoq, taamalu pisumi pinerluuteqartoqarsimanngitsoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER