Angut kalaaleq 32-nik ukioqartoq Amagerbro Stationimi Københavnimi ataasinngormat toquvoq. Pingasoriarluni ambulancenut sianertoqaraluarpoq. Aatsaat minutsit 26-t qaangiummata takkupput.

Ulla Miilmanip misigisani Facebookikkut oqaluttuaraa:

- Angut inuusuttoq ullumi (ataasinngornermi) assaatigut paarinerani toquvoq. Soraareerlunga angerlarlunga angut nalasoq Amagerbro Metronimi siumorpara. Ajorsimanavianngitsoq siullermik eqqarsaatigaara. Aalakoorsimagami siniinnarsimassasoq eqqarsarlunga. Ikinngutaa aperaara ajunnginnersoq. Aap, akunnerni marlunni tassani nalasimasoq oqarpoq. Ambulancenut sianerpunga, tuaviunngillalli. 20 minutsikkaarlugit pingasoriarlunga sianerpunga. Akunneq ataaseq qaangiuttoq arnerningerpoq, minutsit pingasut qaangiummata ambulancet tikiupput. Danielimik ateqarpoq Kalaallit Nunaanneersoq. 27-nik ukioqarluni toquvoq. Paasisinnaanngilara sooq angerlarsimaffeqanngitsut ikiorneqarnissamut kingulliunneqartarnersut.

32-nik ukioqarpoq
Københavns Politinit Tommy Keil Sermitsiaq.AG-mut oqaluttuarpoq angut toqusoq kalaaliusoq aamma angerlarsimaffeqanngitsuusoq. 

Sermitsiaq.AG-mit annertunerusumik allaaserineqassaaq, pisoq aamma danskit tusagassiorfiinit malinnaaffigineqarpoq.