Angummik inuusuttumik ujaasineq politiit taamaatippaat

Issittumi Sakkutuut aamma Politiit 21-nik ukiulimmik Finn Looqi Langemik ujaasinertik taamaatippaat. Taanna marlunngormat kingullermik takuneqarpoq.

Saqqap talittarfiani marlunngormat kingullermik takuneqartumik, 21-nik ukiulimmik Finn Looqi Langemik ujaasineq, taamaatinneqarpoq.

Politiit tusagassiutinut nalunaarummi allapput.

Ujaasineq tallimanngormat nalunaaqutaq 23.45 taamaatinneqarpoq, nalunaarutigineqarpoq.

Issittumi Sakkutuut umiarsuaannik Knud Rasmussenimik aamma ujaasisoqartillugu atorneqartartut atorlugit ujaasisoqarpoq. Taakku saniatigut Air Greenlandip qulimiguua S-61 atorlugu Saqqap eqqaani ujaasisoqaraluarpoq.

- Innuttaasut aamma umiatsiamik ujaaseqataapput. Ujaaseqataasut Issittumi Sakkutiinit aamma Politiinit qujaffigineqarput, politiit nalunaarput.

Ujaasinerup taamaatinneqarneranut atatillugu ilaqutaasut ilisimatinneqareerput.

Powered by Labrador CMS