Skip to main content

Angummi tumai atuarlugit atorfimmut qaffasinnerpaamut

Naalakkersuisut siulittaasuata Kim Kielsenip, pingasunngornermi novembarip 30-anni 50-iliisussap, politikkimut politiinullu soqutiginninnini kingornussimavai. Kusanaatsuliortoqarneratigut taanna qaffappoq

Danskit oqariartaasiat: Iipili pinngorfimminit ungasinngitsumut tuttarpoq. Kim Kielsenimut taanna oqariartaat tulluartorujussuuvoq.

Tassami 2014-imili Naalakkersuisut siulittaasuata, pingasunngornermi novembarip 30-anni 50-iliisussap, politikkimut imaluunniit politiinngorniarluni spqutiginnilernini allanit pissarsiarisimanngilaa.

Taassumami angutaa taakkunani malunnaateqarsimavoq.

Kim Kielsenili umiartortutut ilinniaqqaarsimavoq, kingornalu politiinngorluni.

1996-imit 2003-mut Upernavimmi Paamiunilu politiitut sulivoq.

2005-imi Kim Kielsen Inatsisartunut qinigassanngortippoq - qinigaallunilu.

Ukiut marluk ingerlanerini 2007-imit 2009-mut Ineqarnermut, Attaveqarnermut Aatsitassanullu naalakkersuisuuvoq, kisianni partiiata - Siumup - naalakkersuisunermi pissaaneq annaammagu ilaasortaannanngoqqippoq.

Tamatuma kingorna politikkikkut pissaaneq Siumumut peqqippoq, Kim Kielsenilu Avatangiisinut, Pinngortitamut Nunanut Avannarlernullu suleqatigiinnermut naalakkersuisutut ivertinneqarpoq.

Kisiannili kusanaatsuliortoqarnerani - Kalaallit Nunaat aamma Kim Kielsenimut tunngatillugu mumisitsisoqarpoq.

Siumup aamma Naalakkersuisut siulittaasuat, Aleqa Hammond, nunap karsiata aningaasaataanik atornerluinini pissutigalugu tunuartariaqarlerpoq.

Hammondip tunuartitaanerani Kim Kielsen partiimi siulittaasunngornissamut ammaappaa, kingornalu - qaammatit arlaqanngitsut qaangiuttut 'siulittaasuugallartutut' - Naalakkersuisullu siulittaasuattut.

Naak politikkikkut qullersatut Kim Kielsen atorfeqaraluartoq, amerlasuut inuttut nalinginnaasutut isigisarpaat. Taanna piniutinik qarleqartarpoq, politikerit allat atorfilittallu jakke qarlittalinnik atisaqartartut, taassumalu angalaarneq, piniarneq aalisarnerlu nuannarisarai.

Taassuma Judithe Kielsen nuliaraa, taakkulu marluullutik marlunnik meeraqarput.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER