Angerlarsimaffimmi ujajaaneq: Politiinut saaffiginnittoqarsimanngitsoq

Ataasinngornermi novembarip arfineq-pingajuani peqqarniitsumik ujajaasoqarsimaneranut atatillugu inummik ataasiinnarmilluunniit Nuummi Politiinut saaffiginnittoqarsimanngilaq. Misissuineq suli ingerlanneqartoq, politiinit ilisimatitsissutigineqarpoq.

Nuummi Politiit ataasinngornermi novembarip arfineq-pingajuani angummik utoqqasaamik angutit sisamat Nuummi Qapiarfiusaami savimmik sioorasaareriarlutik angutip pineqartup angerlarsimaffiani ujajaasimasut pillugit innuttaasunit ilisimannissinnaasunit, takunnissimasinnaasunit Qapiarfiusaamiissimasunillu ataasiinnarmilluunniit suli saaffigineqarsimanngillat.

Kalaallit Nunaanni Poliit attaveqartarfianit Sermitsiaq.AG-mut ilisimatitsissutigineqarpoq.

- Kalaallit Nunaanni Politiit suli saaffigineqarsimanngillat. Taamaammat aammaarluta ataasinngornermi novembarip arfineq-pingajuani ualikkut sisamap eqqaani Qapiarfiusaami ujajajaasoqarsimaneranik takunnissimasinnaasut ilisimasaqarsinnaasullu saaffiginninnissaannik kaammattuivugut, Kalaallit Nunaanni Politiit attaveqartartuat Fabian Uth Nielsen Sermitsiaq.AG-mut oqaluttuarpoq.

Peqqarniitsumik ujajaaneq

Angut 59-inik ukiulik novembarip arfineq-pingajuani Nuummiitumi Qapiarfiusaami angutinit inuusuttunit sisamanit savimmik qunusaarneqarsimavoq. Angut pineqartoq Samuel Kleinschmidtip Aqqutaani Blok 17-imi angerlarsimaffianut angutit inuusuttut iseqatigigeriarlugu ujajaaffigisimavaat. Ujajaaneq ualikkut nalunaaquttap sisamap missaani pisimavoq.

Kalaallit Nunaanni Politiit ilisimatitissutigaat, pisimasoq pillugu innuttaasunit suli saaffiginnittoqarsimanngikkaluartoq misissuisoqarnera suli ingerlanneqartoq.

Politiit innuttaasunik angerlarsimaffimmi ujajaasoqarsimaneranik takunnissimasinnaasunik ilisimasaqarsinnaasunilluunniit oqaloqateqarusupput. Kalaallit Nunaanni Politiit angutip ataatsip 59-inik ukiulimmik savimmik qunusaarisimasup isikkuata tamanut saqqummiunneqarnissaa aalajangersimavaat.

Angummik 59-imik ukiulimmik siorasaarisuusup ilisaritinnera:

  • Angut kalaaleq.
  • 180 cm-it missaanik angitigisoq.
  • 30-45-nik ukiulik.
  • Angut naatsunik, qernertunik nujaqarpoq, umeqarani, isaatalu illuatata teqeqqua nukillaaqqasutut ammut nakkanganerulluni.
  • Qernertumik kavaajaqarpoq, aaqqateqarani nasaqaranilu.
Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS