Skip to main content

Angerlarsimaffimmi ikiortit nutaat 19-it allagartartaarput

Tallimanngormat pikkorissartinneqartut 19-it angerlarsimaffimmi ikiortitut ilinniarsimasutut uppernarsaammik allagartartaartinneqarput

Utoqqarnik sullissineq pillugu Kommuneqarfik Sermersooq siullersaalluni pikkorissartitsinikkut qaffassaavoq.

Ullumikkut pikkorissartinneqartut 19-it angerlarsimaffimmi ikiortitut ilinniarsimasutut uppernarsaammik allagartartaartinneqarput. Taakku sapaatit akunnerini sisamani sivisuumik Peqqissaanermik Ilinniarfimmi pikkorissartinneqarput, innuttaasut utoqqaat innarluutillillu sullinnerini ilisimasassat pingaarutillit amerlasuut ilinniarlugit. Ilaatigut nipangiussisussaatitaaneq, attaveqaqatigiinneq, iluaqusersuutinik atorluaaneq eqqiluisaarnerlu ilinniartitsissutigineqarlutik.

Suliniutip ingerlaartinneqartup ilaa

Kommuneqarfik Sermersooq Nunatsinni kommunini siullersaalluni suliniutitut ingerlaartinneqartup ilaatut pikkorissartitsiffiuvoq.

Angerlarsimaffimmi ikiortitut naammasseqqammersut Nuummi angerlarsimaffimmi ikiortinut sullissivimmi qaammat ataaseq sungiusartinneqassapput. Sungiusarnermi nalaani, angerlarsimaffimmi ikiortit pikkorissartinneqanngitsut taamatut pikkorissartinneqassapput.

Taamaasiornikkut Kommuneqarfik Sermersuup sulisuni qaffassassavai, peqatigitillugulu angerlarsimaffimmi ikiortinik nutaanik ilinniartitsisoqarluni.

– Kommuneqarfik Sermersuumi nuannaarutigaarput siullersaalluta suliniummi ingerlaartinneqartumi peqataasinnaagatta, taamaasillutalu toqqaannartumik utoqqarnik sullissinermut sammisumik ilinniarnissamut periarfissaqalersitsilluta. Ilisimavarput inuiaqatigiinni utoqqaat amerliartortut, taamaattumillu angerlarsimaffimmi ikiortit pitsaasut aalajaatsullu amerlanerit pisariaqartinneqalerlutik, taamaasillutik utoqqaat namminneq inuunerminni akuulluarnerulersinnaallutillu sapinngisamik sivisuumi namminneq angerlarsimaffimminni najugaqarsinnaaniassammata”, Kommuneqarfik Sermersuumi borgmesteri, Asii Chemnitz Narup (IA) oqarpoq.

Angerlarsimaffimmi ikiortitut naammasseqqammersut sungiusareerunik angerlarsimaffimmi ikiorteqartitsivimmi taartaasartutut ilaatinneqassapput, imaluunniit aalajangersimasumik atorfeqalernissaminnik neqeroorfigineqassapput, tusagassiorfinnut nalunaarummi allassimavoq.

 

Matumani sulisut imaluunniit suliffissaaleqisut 32-t kommunimit tamarmeersut peqataatinneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER