Angerlarsimaffimmi ikiortinik tunillatsittoqarsimammat utoqqaat misissorneqartut

Kommuneqarfik Sermersuumi angerlarsimaffimmi ikiortitut sulisut akornanni coronamik tunillatsittoqarsimavoq. Kommuni tuniluuttoqarnersoq paasiniarlugu utoqqat misissortikkiartornissaannut ikiuuppoq.

Kommuneqarfik Sermersuumi angerlarsimaffimmi ikiortitut sulisut akornanni coronavirusimik tunillatsittoqarsimasoq paasineqarmat, inuit 75-it angullugit misissortissimapput.

Kommunimi attaveqartarnermut pisortaq Lars Damkjær Sermitsiaq.AG-mut taamatut oqarpoq.

Taassuma ilanngullugu oqaluttuaraa pisoq kommunimit malinnaaffigilluarneqartoq, isumalluartoqarnerarpaali:

- Angerlarsimaffimmi ikiortitut sulisut tamarmik tamakkiisumik akiuussutissalerneqarsimapput, taamaammat tuniluuttoqarsinnaaneranik aallerinartoqarpallaanngilaq. Taakkua saniatigut sullitarpassuit aamma akiuussutissalerneqarsimapput, Lars Damkjær oqarpoq.

Bussinik misissortikkiartortinneqarsimasut

Utoqqaat ippassaq misissorneqarput, ilaallu ullumi misissorneqassallutik. Kommuni ilisimatinneqarsimanngilaq utoqqaat tunillatsissimassagunik mattusimatinneqassanersut.

Kommunip utoqqaat misissorneqarnissaanut ikiorsimavai:

- Angerlarsimaffimmi ikiorteqartarfiup innarluutilinnut bussit atorlugit utoqqaat aariarlugit misissortikkiartortissimavai, utoqqaat taamaalillutik namminneq iliuuseqartariaqarsimanngillat, Lars Damkjær oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS