Angerlarsimaffimmi eqqissiviilliortoqarneranut ornigunnermi paasinarsisoq pinngitsaaliisoqarsimaneq pineqartoq
Angut 30-kkut naalernerannik ukiulik Nuussuarmi pinngitsaaliisimasutut inatsisit tunngaviusut naapertorlugit ullumi killisiorneqassaaq.
Angerlarsimaffimmi eqqissiviilliortoqarneranik nalunaaruteqarsimaneq ilungersunarnerujussuarmut sangutinneqarsimavoq, politiimmi ataasinngormat unnukkut arfineq-marluk eqqaannit takkummata pinngitsaaliisoqarsimasoq paasinarsivoq.
Pinngitsaaliisimaneq pillugu suliaq ullumi eqqartuussivimmi suliarineqalerpat, arnaq pinngitsaalineqarsimasoq 40-kkut aallartilaarneranni ukiulik takkutissaaq, tassani angut tigusarineqarsimasoq inatsisit tunngaviusut malillugit killisiorneqassalluni.
Paasissutissat annikittuinnnaat
Pigaartut pisortaat Julie Senderovitz pisimasoq pillugu paasissutissaateqarpallaanngilaq, tassa inatsisit tunngaviusut malillugit killisiuinissaq sioquullugu misissuinerup suli ingerlanera pissutigalugu. Taamaalilluni pinngitsaaleeriartoqarsimanersoq pinngitsaaliisoqarsimanersorluunniit erseqqissumik oqaaseqartoqarsinnaanngilaq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...