Angerlarsimaffeqanngitsut inunnik niuerniarnermut naaggaarput
Nuummi Frelsens Hæri inunnik niuerniartarneq pillugu aappaluttumik krydsiliivoq.
Inunnik niuerniartarneq akiorniarlugu nunarsuaq tamakkerlugu 7. februar ulloritinneqarpoq, tuluttut trafficking, kiserliortut aamma angerlarsimaffeqanngitsut Frelsens Hærimi Nuummi H. J. Rinksvejimi nerisut, assamikkut aappaluttumik krydsiliornermikkut ulloq malunnartippaat.
- Traffickingimut naaggaarneq Frelsens Hærip naleqartitaanut tulluarpoq, Nuummi immikkoortoqarfiup aqutsisua, major Kurt Skjønnemann Pedersen, Sermitsiaq.AG-imut oqarpoq.
Ajornartorsiortut
Inunnik niuerniartarneq nunarsuarmi tamani atuuppoq, nunarsuarmilu aningaasaqarnikkut naligiinnginnermik tunngaveqarpoq, inuit inuuniarnermikkut ajornartorsiortut inuunerissuunissamik takorluugaannik aamma pineqartut suliaannik piumasaqarneq pissutaallutik. Nunarsuaq tamakkerlugu pinngitsaaliissummik sulitinneqartartut 20 millioninit amerlanerusut, International Labour Organizationip (ILO) missingiuppaa, tassani inunnik niuerniartarneq ilaalluni; taakku tallimararterutaasa missaat atortittartuutinneqartarput.
Kalaallit Nunaanni immaqa trafficking misigineqanngilaq, kisianni inuuniarnermikkut ajornartorsiortoqarpoq.
Facebookimi assi
Sisamanngornermit tallimanngornermut Nuummi Frelsens Hæri akeqanngitsumik nerisassanik sassaalliuteqarpoq, Café Williamimut (Frelsens Hærip pilersitsisuanut atsiunneqarsimasoq) isertartut amerliartorput. Cafe 2017-imi agguaqatigiisillugu 75-inik isertoqartarpoq, 2018-imi agguaqatigiisillugu 83-it. Ukioq mannalu januaarimi takeqisumi agguaqatigiisillugu 97,7-it cafemi nerisarput.
Kurt Skjønnemann Pedersen nunarsuarmi tuusintilikkaat assigalugit assammini aappaluttumik krydsiliisimavoq, Facebookimilu #enditmovement allallugu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...