Skip to main content

Angerlarsimaffeqanngitsut amerleriarujussuartut

Kalaallit Nunaanni innuttaasut aalajangersimasumik nalunaarsorneqartumik najugaqarfeqanngitsut maanna 700-nik amerlassuseqarput. Qaffariaat annertooq. Angerlarsimaffeqanngitsulli ilaat toqqoqqasarput inisimaffigilikkatik ineqarnermut tapiissutinik qaffasinnerusunik qularnaarukkumallugit

Ukioriartulerpoq. Kinaluunniit angerlarsimaffeqarani inuusinnaanngilaq. Amerliartuinnartulli ilungersunartorsiortariaqassapput.

Immaqa ikinngummi nalaasarfimmi sinissinnaapput. Angerlarsimaffeqanngitsut unnuisarfianni inissarsillutik. Imaluunniit angerlarsimaffeqanngitsut allat peqatigalugit inissiami inissinneqarlutik.

Atuaruk: Nuummi angerlarsimaffeqanngitsut nerisaqarnissaat tapiissuteqarnikkut qulakkeerneqarpoq

Amerliartorujussuartut
Angerlarsimaffeqanngitsunik ajornartorsiut annertusiartuinnartoq Kalaallit Nunaanni akiitsut akiitsunillu akilersuineq pillugit nassuiaammi nutaami, tusarniaassutigineqaqqammersumi, ukiakkullu ataatsimiinnermi oqaluuserineqartussami, immikkut sammineqarpoq.

Tassanilu pineqartumi ineriartorneq erloqinartoq ima eqikkarneqarpoq:

- Inuit aalajangersimasumik najugaqanngitsut 90-ikkut qiteqqunneranniit amerliartorujussuarsimanerat nalunaarsorneqarsinnaasimavoq. 

- 90-ikkut qiteqqunneranni aalajangersimasumik najugaqartutut nalunaarsorneqarsimanngitsut 100-t missaanniipput, piffissamilu 2009-miit 2013-imut 600-t 700-llu akornanni amerlassuseqarsimallutik, nassuiaammi oqaatigineqarpoq.

Atuaruk: Angerlarsimaffeqanngitsut akiliuteqartalernissaat siunnersuutigineqarpoq

Akiligassat
Kisitsimmulli qaffasilluinnartumi tamatumani inuppassuit ilaasa ilaquttaminni ilisarisimasaminnilu inunnik nalunaarsuiffimmut nalunaarutiginagu ataavarnerusumik najugaqalersarnerat aamma ilaasinnaavoq, nalunaarutiginnissimagaanni inisiffimagisat ineqarnermut tapiissutinik pisartagaat annikillisinneqarsinnaammat.

Akiitsut pillugit nassuiaammi nutaami attartortut qanoq amerlatigisut akiitsoqarnertik pissutigalugu inigisaminnit anisitaasarnerannut aamma takussutissiaqarpoq. 

Inissiaatileqatigiiffik INI anisitsinissamik piumasaqaatinik 1.400-ngajannik 2015-imi ingerlanerani nassiussisimavoq; kisitsit taanna ukiut siuliinit 1.250-iniit annertuseriarsimavoq. 

Allaaserisaq tamaat aviisimi AG-mi atuaruk, taanna ullumi pingasunngornermi pisiniarfinni pisiarineqarsinnaavoq. Aviisi uani aamma pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER