Skip to main content

Angerlarsimaffeqanngitsut amerlavallaartut

Nuummi illu inisseeqqiffik naammattumik atorneqanngilaq. Tigunissaa kommunip eqqarsaatersuutigaa.

Angerlarsimaffeqanngitsorpassuit, inissaaleqinerujussuaq illoqarfissuarmullu nutserneq annertusiartortoq. Pissutsit unammillernartut pingasut taakku ataatsikkut atuunnerisigut Nuummi angerlarsimaffeqanngitsut unnuisarfiannik, angerlarsimaffeqanngitsut amerliartuinnartut - ingammik ukiukkut isseqisumi - unnuami oqqiffissatut ornittagassaannik pisariaqartitsineq annertusoq Kommuneqarfik Sermersooq isumaqarpoq.

Maannalu ajornartorsiutip taassuma manna atuuttup aaqqiissutissaanut periarfissaqalerpoq; Illu nutaangajavik, ullumikkut Namminersorlutik Oqartussanit inisseeqqiffittut atorneqartoq, pisariaqartinneqanngitsoq paasinarsivoq.

Inisseeqqiffik attartortunit, assigiinngitsunik patsiseqartumik inigisaminnit anisinneqartunit, unnuigallartarfiup ullormut akianik akiliinissamut akissaqartutut nalilerneqartunit atorneqartarnissaa eqqarsaataasimavoq.

Init atorneqanngitsut
Massakkorpiarli periarfissap taassuma atornissaanut akileerusuttoqanngitsoq, Tungiuinermut, Suliffeqarnermut Inuussutissarsiornermullu Ingerlatsivimmit innersuussummi allassimavoq.

- Attartortut inigisaminnit anisinneqartut inisseeqqiffimmi inissinneqarnissamut neqeroorummik atuinissamik kissaateqanngitsut paasinarsivoq, taamaammallu inisseeqqiffiup ilarujussua piffissap annersaani atorneqarneq ajorpoq, Tungiuinermut, Suliffeqarnermut Inuussutissarsiornermullu Ataatsimiititamut innersuussummi allassimavoq.

Namminersorlutillu Oqartussanit inisseeqqiffiup siunertamut atorneqarfissaminut atorneqannginnera nassuerutigineqarmat, taakku akimik annertuumik appartitsinissaq akueraat taamaalillunilu maanna kommuni illorsuarmik tigusinissaminut akissaqalerunarpoq.

- Ukioq manna siusinnerusukkut Kommuneqarfik Sermersooq inisseeqqiffik 12 million koruuninik akilerlugu pisiarisinnaagaa neqeroorfigineqarpoq. Neqeroorullu taanna maanna 6,3 million koruuninut appartinneqartoq, ataatsimiititap ullormut oqaluuserisassaani takuneqarsinnaavoq.

Nuummi angerlarsimaffeqanngitsut nerisaqarnissaat tapiissuteqarnikkut qulakkeerneqarpoq

Kommunip illorsuaq pisiarissallugu toqqassappagu, taanna pequtinik inissinneqartut inissinneqarnerminnut akilertagassaattut pequsiunneqartunik imaqartillugu tiguneqarsinnaavoq.  

Taamaalillunilu unnuisarfiup pitsaassusaa qaffasissumi inissisimassasoq inassuteqaammi allassimavoq.

- Inisseeqqiffik qitiusumik inissisimanermigut, pitsaasumillu ataqqinnittumillu pequsersugaanermigut unnuisarfittut tulluartoq, ingerlatsiviup inassuteqaammini inerniliutigaa.

Kommuneqarfik Sermersuumi Tungiuinermut, Suliffeqarnermut Inuussutissarsiornermullu Ataatsimiititaq ataasinngornermi 12. december inassuteqaammik suliarinnissalluni ataatsimiissaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER