Skip to main content

Angerlarsimaffeqanngitsunut ornittagaliornissamut pilersaarut ilisimatuumit nersualaarneqartoq

Angerlarsimaffeqanngitsunut inissianik ornittakkanik kommunip pilersitsiniarnera suliniutaavoq pitsaasoq. Sociologi lektorilu, Steven Arnfjord taama isumaqarpoq.

Kommuneqarfik Sermersuup angerlarsimaffeqanngitsunut ornittagaliortitsiniarnera suliniutaavoq pitsaasoq. Sociologi Ilisimatusarfimmilu lektori, Steven Arnfjord taama isumaqarpoq.

Taanna Sermitsiaq.AG-mut nassuerpoq Nuuk Imiup tunuatungaani toqqit angerlarsimaffeqanngitsunut napparneqarsimasut, coronavirus pissutigalugu illoqarfiup matuneqarnerani ernumalersitsisimagaluartut:

- Pingaartumik illoqarfiup matuneqarnerata nalaani ernumagisimavarput toqqit tassaassasut angerlarsimaffeqanngitsunut inissiivissat kingulliit. Taama ataavartumik aaqqiissuteqarneq arlaannaatigulluunniit pitsaaquteqannginnami, Steven Arnfjord Sermitsiaq.AG-mut oqarpoq.

Steven Arnfjord Issittumi Kalaallit Nunaannilu angerlarsimaffeqanngitsuuneq pillugu immikkut ilisimatusarsimavoq. Ajornartorsiut pillugu, taassumalu aaqqiissutissaanik nassaarniartussatut suleqatigiissitami peqataasussatut toqqarneqarsimavoq. Aaqqiissutissatut siunnersuutinik suleqatigiit suliaqassapput.

Unammilligassat arlaqartut

2017-imi kisitsinerup takutippaa Kalaallit Nunaanni angerlarsimaffeqanngitsut 841-sut. Angerlarsimaffeqanngitsut ullumikkut qanoq amerlatiginersut ilisimaneqanngilaq, naatsorsuutigineqarlunili amerleriarsimassasut, inimut akiliinngitsoorlutik anisitaasut amerleriarsimammata.

Steven Arnfjordip erseqqissarpaa angerlarsimaffeqanngitsut arlalitsigut unammilligassaqartartut. Inuiaqatigiinni peqataaleqqinnissamik tungaannut ilaatigut tapersersorneqarnissartik pisariaqartissinnaasarpaat.

- Angerlarsimaffeqanngikkaanni, taava inuunermi ingerlassinnaasat ilaat ajornarluinnalersarput. Pingaartumik tulliani sumi unnuinissaq nalorninartillugu, inuuneq ataqatigiisikkuminaassisarpoq, Steven Arnfjord nassuiaavoq.

Taassumap oqaatigaa angerlarsimaffeqanngitsut ilaat angerlarsimaffeqalerniariarlutik namminiilersinnaasartut. Allalli suli tapersersorneqarnissamik pisariaqartitsisarput, suliffimmik paarsisinnaalertingatik allanullu isumassuisinnaalertingatik.

- Suliami inatsimmik atorsinnaasumik nassaarnissarput neriuutigaara. Inatsimmi tunngavigalugu inunnik isumaginnittoqarfik tapersersuinermik ingerlatsilersinnaammat, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER