eqqakkat
Angallatit akiliisinnaajunnaarnermik eqqugaasut 50 million koruuneqarput
Angallatit qimaannakkat ajornartorsiutaanerujartorput. Amerlasuutigut toqunartulinnik sanaajusarput taamaattumillu Kalaallit Nunaanni isaterneqarsinnaanatik. Akiligassaq ataasiinnarmut nassiunneqartussaavoq – akileraartartunut.
Kalaallit Nunaanni umiarsualivinni angallatit pigineqanngitsut 125-nit sinneqartut katersuutiinnalersimapput. Piginnitserisimasaminnit qimanneqarsimapput, aserfallassimaqalutik arlalitsigullu akiliisinnaajunnaarnermik eqqugaasimallutik.
Pilersaarut tusarniaassutigineqartoq
Tamanna talittarfinnut pilersaarummi nutaami attaveqarnermut naalakkersuisoqarfimmi tusarniaassutigineqartumi allassimavoq.
Pilersaarut siunnersuisarfimmit Orbicon Grønland A/S-imit suliaavoq pingaarnertullu sammineqartut ilaanni allassimavoq 2016-ip tungaanut talittarfiit 70-it tungaannoortut atorunnaartariaqartut tunineqarlutilluunniit. Tassalu maannakkut Namminersorlutik Oqartussat talittarfiutaasa 40 procentii.
Pilersaarut malillugu sumi tamani talittarfinni angalatit isaterneqartariaqartut annertuumik ajornartorsiutaalersimapput.
Allaaserisaq tamaat AG-mi saqqummertumi kingullermi atuaruk, taanna uani ataani linki atorlugu akiliillutit atuarsinnaavat: