Angallasseriaatsimi unammillernartut

– Marloqiusamik toqqammaveqarluni angallasseriaaseq atuutilerseqqissanerissapput maanna misissussavarput, Ineqarnermut Angallannermullu Naalakkersuisoq, Erik Jensen (Siumut), oqarpoq.

- Mittarfinnut nutaanut marlunnut atatillugu unammillernartorpassuaqarpoq. Silap pissusianut tunngasunik allanngornerit, timmisartuussinermut sunniuteqartut, eqqumaffigisorujussuuavut, aamma Nuummi mittarfiup miffigineqarsinnaassusia, angallaffiunerpaaffiup nalaani sunnersimaneqarsimasoq, aamma alaatsinaapparput. Kisianni isumaqarpugut, teknikkikkut pitsanngoriaatit mittarfinnik nutaanik sanaartornermut atatillugu pilersinneqartussat, angallannik periarfissanik pitsanngoriartitsissasut, Ineqarnermut Attaveqaasersuutinullu Naalakkersuisoq, Erik Jensen (Siumut) aviisimut Sermitsiamut oqarpoq.

- Naalakkersuisut aalajangiinernik inatsisinilluunniit mittarfiliortiternermut tunngaviusunik allanngortitsinissamik pilersaaruteqanngillat. Taamaattumik ingerlatiinnarneqassapput, angallannikkut pissutsinik pitsanngoriartitsissammata aamma nuna tamakkerlugu aningaasarsiornikkut siuariartornermut tunngavissanik pilersitsissammata, Erik Jensen oqarpoq, mittarfiliortiternissamullu tunngavilersuutaaqqaarsimasut innersuussutigalugit.

- Kisianni angallanermut pissutsinik, aamma mittarfeqarfiit avataanni najugaqartunut, qanoq pitsanngorsaasinnaanerput qimerloorparput, Erik Jensen ilassuteqarpoq paasissutissiillunilu:

- Najukkani pissutsit nuna tamakkerlugu angallannermut unammillernartunik aporfissanillu pilersitsisut ilisimasaqarfigilerniarlugit paasisaqarfiginiarlugillu nuna tamakkerlugu angalasimavunga, avannaani Kullorsuarmit kujataani Narsarsuarmut.

Aviisimi Sermitsiami atuarnerusinnaavutit. Aviisi uani pissarsiariuk:

Powered by Labrador CMS