Skip to main content

Angallanniarneq eqartoq: Siumut aningaasanik amerlanernik piumasaqarpoq

Kujataani avannaanilu silaannakkut angallannerup pitsaanerulernissaa anguniarlugu Naalakkersuisut immikkut aningaasaliinissaat, Siumup piumasaraa.

Mittarfissualiortiternissat oqallisigineqarnerisa nalaanni, kujataani avannaanilu angallanniarnermi kinguaattuukulaarnerit angalanissamillu unitsitsiinnartarnerit innuttaasut maannakkorpiaq ulluinnarsiutigaat. Piaartumik tamanna aaqqiivigineqartariaqarpoq, Siumup Inatsisartuni gruppia taama isumaqarpoq.

- Nunatta kujataani silaannakkut angallanneq ukiat tamaasa ajornartorsiutaasarpoq allaat massakkorpiaq angalaniarneq ima ajortigilerpoq Narsarsuarmiit Nanortalimmukarniartut ullorpassuarni utaqqisariaqalertarlutik, Siumut gruppiata siulittaasua tusagassiutinut nalunaaruteqarluni allappoq.

- Aamma taamaappoq avannaani isorartoqisumi taarsisalernerani angalaniarneq, tassa annertuumik ajornartorsiuteqarfiulerluni. Taamaammat aamma Naalakkersuisunut kaammattuutigineqarpoq avannaani silaannakkut angallanneq piaartumik aaqqiissuteqarfiginiaqqullugu.

- Siumut gruppiata Naalakkersuisunut piumasaraat angallannermut aaqqiissutissatut aningaasanut inatsimmi sillimmataasut atorluarlugit piaartumik kujataani avannaanilu aaqqiissuteqarnissaq suliareqqullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER