Angallannermut pilersaarut: Nuummi angallanneq pitsanngorsaaffigineqarniartoq
Sikkilertut pisuinnaallu angallanneq pillugu pilersaarummi qitiutinneqassapput, pilersaarut illoqarfiit pingaarnersaata kommuniani Nuummi atuutsinneqssaaq.
Sanarfinermut Avatangiisinullu Ingerlatsivimmit sikkilertartut pisuinnaallu angallattoqarneratigut ajoquserneqarsinnaannerat annikillisinniarlugu uliniutit arlallit aallarteqquneqarput.
Ingerlatsivimmit ”Nuummi ajutoorfioratarsinnaasut” aallaavigalugit suliniutit sumi isumagineqassanersut pillugu siunnersuusiortoqarsimavoq. Sanarfinermut Avatangiisinullu Ataatsimiititami ilaasortat pilersaarut ullumi isummerfigissavaat.
Pilersaarut
Ingerlatsivimmit illoqarfimmi sumiiffiit tulliulllugit taaneqartut ukiuni arlalinni suliniuteqarfigineqartariaqartutut oqaatigineqarput:
Siunnersuutigineqarpoq Nerngallaaniit kaajallattarfiup eqqaaniit Sipisaq Kangilliup tungaanut aqqusineq annertunerulersinneqassasoq. Pisuinnaat sikkilertullu aqqutaat aqqusernup illuatigoortup silinnerulersinneratigut imaluunniit aqquserngit illugiissillugit illuinnaanut ingerlaarfinngortinnerisigut.
Nerngallaani, Qernertunnguani aamma Sipisaq Kangillermi kaajallattariani aqqusineeraliorneq.
Aqqusinersuakkut pisuinnarnut aqqusineeqqat sikkilertunullu aqqutit pitsanngorsarneri.
Aqqusinersuarmiit Sanamut Aqqutip tungaanut aqqusineeraqarnissaq.
H. J. Rinksvejimi, Sipisaq Kangillermi aamma Quassunnguami nutaamik kaajallattarialiorneq.
Illoqarfimmi angallavigiuminarsaaneq eqqarsaatigalugu tamat tummeraannik nalilersuineq sanaartornerlu.
Nassuiaammi inassuteqaasiornermut tunngaviusimasumi pissutsit uku aamma saqqummiunneqarput:
Tamanik angallassisarnerup nukittorsarneqarnissaa: Suliassap 2020-mi aallartinneqarnissaa eqqarsaataasimavoq, aamma 2012-imi 2013-imilu pilersaarutaareersimasunik nutarterinertut atorneqassaaq.
Nuup aqqusernganik titarniiaaneq: Aqquserngit titarnerinik ataavartussanik titarnilersuinissamut maskiinarsinissaq 2021-mi pisussatut pilersaarutaavoq.
Nuussuup mannguani, Sipisami, Kujallermi/ Quassunnguani 400-rtalimmillu aqquserniornissaq. 2021-mi pilersaarutaavoq: Kangillinnguit Nuussuullu atuarfiisa eqqaanni angallaffinnik allannguinissaq kiisalu Arsiffimmi atuarfiup eqqaani angallaffiup aaqqiiffiigineqarnissaanut piareersarnissaq.
Piffissaq ungasinnerusoq eqqarsaatigalugu annertunerusunik attaveqaasiornissaq: Aqqusinernik atuutereersunik alliliineq pitsanngorsaanerlue – nutaamik aqqusiniliisoqarsinnaalluni. Nuussuarmi sullorsuarmik alliliineq aamma Siorarsiorfimmi sullorsualiornissaq 2020 - 2023-mi aallartisarneqartussaq - qaqugu sanaartortoqarnissaa suli aalajangersarneqanngilaq.
Aningaasaqarnermut Allattoqarfik aningaasaqarneq pillugu allappoq:
'- Angallaffiit pillugit immikkoortunut pilersaarummi attaveqaatinik pitsanngorsaanissamut aaqqiissutaasinnaasunik arlalinnik siunnersuuteqartoqarpoq, sanaartornissamut aningaasaliissutissat 20 millioner koruunit nalaannik annertussuseqassapput. Kommunip 2021-miit 2029-mut sanaartornissamik pilersaarutaani attaveqaatinut sanaartorfigissaanermullu ukiumut 50 millioner koruunit immikkoortinneqassapput. Immikkoortitanit taakkunannga aningaasat kommunimi attaveqaatinik pitsanngorsaanissamut alliliinissamullu atorneqartussatut aalajangertoqarsimavoq.
Tusarniaanissaq
Angallannermut pilersaarut maanna saqqummiunneqartoq katillugit immikkoortut pingasuusut siullersaraat, tassani peqqinnerulernissaq avatangiisillu pitsaanerulernissaat anguniarlugut illoqarfimmi innuttaasut pisuinnarnut sikkilertunulluunniit aqqutinik atuisalernissaat anguniagaavoq.
Sanarfinermut Avatangiisinullu Ataatsimiititami politikkerit pilersaarut siunnersortinit avataaneersunit suliarineqarsimasoq akuerissappassuk, aningaasaqarnermut ataatsimiititamit isummerfigineqassaaq, tamatumalu kingorna kommunalbestyrelsimut ilisimatitsissutigineqarnera ilutigalugu tamanut tusarniaassutigineqassalluni.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...