Angallammut tillinniartut minutsit 40-t ingerlaneranni tigusarineqartut
Sapaatip unnuaani Nuummi politiit umiatsiamut tillinniartoqarneranik aggersarneqarput, kisianni suliaq tamanna sivikippoq. Nalunaaruteqartoqarneranit minutsit 40-t qaangiuttut pinerluttuliortut tigusarineqarput.
Politiit Nuummi angallatit tillinniarfigineqartarnerit pillugit nalunaarfigineqartarnerat ajoraluartumik qaqutigoortuunngilaq. Kisianni tillinniarneq adventip sapaataasa siullianni unnuakkut pisoq sukkasuumik nuannersumillu naammassineqarpoq, pigaartut pisortaat Julie Senderovitz Bendtsen Sermitsiaq.AG-mut oqaluttuarpoq.
Tillinniarnerit taamaattut misissorneqarnissaat ajornakusuukkajuttartut taanna oqaluttuarpoq, politiit aggeraangata pinerluttuliortut ungasillereertarnerat pissutaalluni, pisup nalaani paasineqarneq ajoramik. Kisianni maanna allaaneruvoq.
- Nalunaaqutaq 02.20 nalunaarfigineqarput, angallammik piginnittup kalerrisaarutaaa aallartissimammat, politiineersoq oqarpoq.
Misissuineq minutsinik 40-nik sivisussusilik
Piginnittut angallammi kalerrisaaruteqaannaratik aamma alapernaarsuuteqarsimapput, taannalu politiit ingerlaannaq pissarsiaraat.
- Pinerluttuliortut sukkasuumik kinaassusersisinnaasimavagut ujartillugillu, kingornalu sukkasuumik tigusaralugi, taanna oqaluttuarpoq.
Sukkasuumillu pivoq. Nalunaaruteqartoqarnerani minutsit 40-t qaangiutiinnartut pinerluttuliortut politiinit tigusarineqarput. Tillinniarnerup pineqartup saniatigut taakku inuit allami tillinniarsimanerat paasineqarpoq.
Uppernarsaatit politiinut kisimi takutinneqartassapput
Kalerrisaarutit aamma videomik alapernaarsuutit politiinut iluaqutaasorujussuusartut, pigaartut pisortaata oqaatigaa, kisianni siunertaanut atorneqartarnissaat naqissuserpaa.
- Pisunik uggornartoqartarpoq, inuit videonik alapernaarsuinernillu inuit nittartakkatigut attaveqaqatigiittarfiisigut saqqummiisoqarneratigut, aamma suliat uagutsinnut nalunaarutigineqarsimanngitsut.
Taamaattut tamanut takusassianngorlugit saqqummiussineq inerteqqutaavoq, pigaartut pisortaat oqaluttuarpoq, pinerluttoqarneranilu uppernarsaatit eqqortumut tunniunneqartarnissaat kaammattuutigaa.
- Tassa uagutsinnut, Julie Senderovitz Bendtsen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...