Skip to main content

Angallammik inunnik marlunnik ilaasulimmik ujaasineq

Angallat inunnik marlunnik ilaasulik tallimanngormat kingullermik takuneqartoq. Taakku Kujataani Saarlormiik aallarsimapput.

Politiit pigaartuat arfininngornerup ullaap tungaani innuttaasut ilaanniit attavigineqarput, tassanilu ernummatigineqarlutik Egede Sakariassen aammalu Kaaka Joelsen.

Taakku tallimanngornermi nalunaaqutaq marlup missaani Saarlummiit kangiata tungaanut aalisariutinik ningitsiniarlutik aallarsimapput.

Taakku Qaqortumut aallarsimasinnaanerat ilimanarpoq. Politiit paasiniaanerminni massakkuugallartumik paasivaat pineqartut marluullutik kingullermik Qaqortumi tallimanngormat nalunaaqutaq pingasut missaani kingullermik takuneqarsimasut, tassanngaanniillu sumut pisimanerat ilisimaneraqarani.

Pineqartut angallammik 16 fods-mik With 400-mik, sungaartumik qalipaatilimmik, tungujortumilllu qalipaatilinnik sinaakkutitalimmik aammalu issivittalimmik, aammattaaq qernertumik qalipaatilimmik 40 hk Mercury-mik aquuteralalimmik aallarsimanerangaapput. Politiilli paasissutissiaraat angallammi VHF-eqanngitsoq.

Pineqartut tungujortunik qalipaatilinnik atallaaqarsimapput aammalu sungaartumik aappaluartunik qalipaatilinnik sialissiutinik qarleqarsimallutik.

Saaffiginninneq toqqammavigalugu imakkut silaannakkullu ujaasineq ingerlanneqarsimavoq. Arfininngornermi sapaammilu ujaasinermi angallat periarfeerunneqartulli toraarneqarsimanngillat.

Innuttaasut ulloq 05. maj 2017 aallarnerfigalugu pineqartut sumunnarfigisimasinnaasaannik nalunngisallit qinnuigineqarput Qaqortumi politiit oqarasuaataannut 70 11 22-mut saaffiginneqqullugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER